KeralaNEWS

“ആ മോദി സ്തുതി എന്റേതല്ല, ഏതോ സൈബർ ഷണ്ഡൻ്റേതാണ്… ചതിയിൽ വീഴരുത്…”: ഡോ.സെബാസ്റ്റ്യൻ പോൾ

തന്റെ പേരിൽ നരേന്ദ്ര മോദിയെ പുകഴ്ത്തുന്ന ഒരു കുറിപ്പ് കഴിഞ്ഞ വർഷം മലയാളത്തിലും ഇപ്പോൾ ഇംഗ്ലീഷിലും പ്രചരിക്കുന്നുണ്ടെന്ന് ഡോ. സെബാസ്റ്റ്യൻ പോൾ.

മുൻ സി.പി.എം എം.പി എന്ന അടിക്കുറിപ്പുള്ളതുകൊണ്ട് അപരനല്ല വ്യാജനാണ് ഈ സൈബർ ക്രിമിനൽ എന്നു വ്യക്തം. കൊച്ചിയിലെ സൈബർ പൊലീസിന് ഈ സൈബർ ഷണ്ഡനെ കണ്ടെത്താൻ കഴിഞ്ഞിട്ടില്ലെന്നും
ഡോ. സെബാസ്റ്റ്യൻ പോൾ ഫെയ്സ് ബുക്കിൽ കുറിച്ചു.

എനിക്ക് വ്യക്തിപരമായി അപകീർത്തികരവും രാഷ്ട്രീയമായി ഹാനികരവുമായ ഈ വ്യാജ പോസ്റ്റ് ഷെയർ ചെയ്യുകയോ ഫോർവേഡ് ചെയ്യുകയോ ചെയ്യരുതെന്ന് സുഹൃത്തുക്കളോടും അഭ്യുദയകാംക്ഷികളോടും അഭ്യർത്ഥിക്കുന്നു.

സെബാസ്റ്റ്യൻ പോളിൻ്റെ ഫെയ്സ്ബുക്ക് പോസ്റ്റ്‌:

“തിരഞ്ഞെടുപ്പിലെന്നപോലെ സോഷ്യൽ മീഡിയയിലും എനിക്കൊരു അപരൻ പ്രത്യക്ഷപ്പെട്ടിരിക്കുന്നു. നരേന്ദ്ര മോദിയെ പുകഴ്ത്തുന്ന ഒരു കുറിപ്പ് കഴിഞ്ഞ വർഷം മലയാളത്തിലും ഇപ്പോൾ ഇംഗ്ലീഷിലും പ്രചരിക്കുന്നുണ്ട്. മുൻ സി.പി.എം, എം.പി എന്ന അടിക്കുറിപ്പുള്ളതുകൊണ്ട് അപരനല്ല വ്യാജനാണ് ഈ സൈബർ ക്രിമിനൽ എന്നു വ്യക്തം. കൊച്ചിയിലെ സൈബർ പൊലീസിന് ഈ സൈബർ ഷണ്ഡനെ കണ്ടെത്താൻ കഴിഞ്ഞിട്ടില്ല. എനിക്ക് വ്യക്തിപരമായി അപകീർത്തികരവും രാഷ്ട്രീയമായി ഹാനികരവുമായ ഈ വ്യാജ പോസ്റ്റ് ഷെയർ ചെയ്യുകയോ ഫോർവേഡ് ചെയ്യുകയോ ചെയ്യരുതെന്ന് സുഹൃത്തുക്കളോടും അഭ്യുദയകാംക്ഷികളോടും അഭ്യർത്ഥിക്കുന്നു. വ്യാജനെ സ്വാഭാവികമായി മരിക്കാൻ വിടുക. ആരും എന്നെ ബി.ജെ.പി ആക്കേണ്ട. മോദിയെ സ്തുതിക്കണമെന്ന് തോന്നിയാൽ ഞാനത് സ്വന്തനിലക്കു ചെയ്തുകൊള്ളാം…”

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker