HealthLIFE

വേനൽ കടുക്കുന്നു; ജലജന്യ രോഗങ്ങളെ കരുതിയിരിക്കാം

വേന​ൽ കടുക്കുകയും കുടിവെള്ള ശ്രോതസ്സുകളെല്ലാം വറ്റിതുടങ്ങുകയും ചെയ്തതോടെ ജ​ല​ജ​ന്യ​രോ​ഗ​ങ്ങ​ളാ​യ ഷി​ഗെ​ല്ല ഉ​ള്‍പ്പെ​ടെ​യു​ള്ള വ​യ​റി​ള​ക്ക രോ​ഗ​ങ്ങ​ള്‍, മ​ഞ്ഞ​പ്പി​ത്തം, ടൈ​ഫോ​യി​ഡ് എ​ന്നി​വ പ​ട​രാ​ന്‍ സാ​ധ്യ​ത​യേ​റെ​യാ​യ​തി​നാ​ല്‍ ​​​അ​തീവ ജാ​ഗ്ര​ത പാ​ലി​ക്കേ​ണ്ട​താ​ണ്..കു​ടി​വെ​ള്ളം കൊ​ണ്ടു​വ​രു​ന്ന ടാ​ങ്ക​ര്‍ ലോ​റി​ക​ള്‍, ഹോ​ട്ട​ലു​ക​ള്‍, വ​ഴി​യോ​ര ഭ​ക്ഷ​ണ ശാ​ല​ക​ള്‍, കൂ​ള്‍ ബാ​റു​ക​ള്‍ എ​ന്നി​വി​ട​ങ്ങ​ളി​ല്‍ ആരോഗ്യ വകുപ്പ് പ​രി​ശോ​ധ​ന ശ​ക്ത​മാ​ക്കേണ്ടതും അത്യാവശ്യമാണ്.
മ​ല​ത്തി​ല്‍ ര​ക്തം കാ​ണു​ക, അ​തി​യാ​യ വ​യ​റി​ള​ക്ക​വും ഛര്‍ദി​യും, വ​യ​റി​ള​ക്ക​ത്തോ​ടൊ​പ്പം ക​ടു​ത്ത പ​നി, മൂ​ത്രം പോ​കാ​തി​രി​ക്കു​ക, ക്ഷീ​ണം, മ​യ​ക്കം, അ​പ​സ്മാ​രം എ​ന്നി​വ ഉ​ണ്ടാ​യാ​ല്‍ ഉടൻ ​ത​ന്നെ അ​ടി​യ​ന്ത​ര വൈ​ദ്യ​സ​ഹാ​യം തേ​ട​ണം.
ദി​വ​സ​ങ്ങ​ളോ​ളം നീ​ളു​ന്ന പ​നി, ദേ​ഹ​വേ​ദ​ന, ക്ഷീ​ണം, വി​ശ​പ്പി​ല്ലാ​യ്മ എ​ന്നി​വ​യാ​ണ് ടൈ​ഫോ​യി​ഡി​ന്റെ സാ​ധാ​ര​ണ ക​ണ്ടു​വ​രു​ന്ന രോ​ഗ​ല​ക്ഷ​ണ​ങ്ങ​ള്‍.ടാ​പ്പി​ല്‍നി​ന്നു​മു​ള്ള വെ​ള്ളം കു​ടി​ക്കു​ന്ന​തും വ​ഴി​യോ​ര​ത്തു​നി​ന്ന്​ ഐ​സ് വാ​ങ്ങി​ച്ചു ക​ഴി​ക്കു​ന്ന​തും ടൈ​ഫോ​യി​ഡ്​ പോ​ലെ​യു​ള്ള രോ​ഗ​ങ്ങ​ള്‍ പി​ടി​പെ​ടാ​ന്‍ കാ​ര​ണ​മാ​കു​ന്നു​ണ്ട്. ശ​രീ​ര​വേ​ദ​ന​യോ​ടു​കൂ​ടി​യ പ​നി, ത​ല​വേ​ദ​ന, ക്ഷീ​ണം, ഓ​ക്കാ​നം, ഛര്‍ദി തു​ട​ങ്ങി​യ​വ​യാ​ണ്​ മ​ഞ്ഞ​പ്പി​ത്ത​ത്തി​ന്റെ പ്രാ​രം​ഭ​ല​ക്ഷ​ണ​ങ്ങ​ള്‍.

ടാ​ങ്ക​റു​ക​ളി​ല്‍ ജ​ല​വി​ത​ര​ണം ന​ട​ത്തു​ന്ന​വ​ര്‍ ര​ജി​സ്റ്റ​ര്‍ ചെ​യ്യ​ണം. കു​ടി​വെ​ള്ളം പ​രി​ശോ​ധി​ച്ചു ഗു​ണ​നി​ല​വാ​രം ഉ​റ​പ്പാ​ക്ക​ണം. വെ​ള്ള​നി​റ​ത്തി​ല്‍ കോ​ട്ടി​ങ് ഉ​ള്ള ടാ​ങ്കു​ക​ള്‍ ഉ​പ​യോ​ഗി​ക്ക​ണം. കി​ണ​റു​ക​ളി​ലെ വെ​ള്ള​വും പ​രി​ശോ​ധ​ന​ക്ക്​ വി​ധേ​യ​മാ​ക്കു​ക​യും ക്ലോ​റി​നേ​ഷ​ന്‍ ചെ​യ്യു​ക​യും വേ​ണം. ശൗ​ചാ​ല​യ​മാ​ലി​ന്യം കു​ടി​വെ​ള്ള സ്രോ​ത​സ്സു​മാ​യി ക​ല​രാ​തെ ശ്ര​ദ്ധി​ക്ക​ണം.

 

ച​ട​ങ്ങു​ക​ള്‍ക്കും മ​റ്റും വെ​ല്‍ക്കം ഡ്രി​ങ്ക് ഒ​ഴി​വാ​ക്കു​ക​യാ​ണ് ഉ​ചി​തം. അ​ഥ​വാ ത​യാ​റാ​ക്കു​ക​യാ​ണെ​ങ്കി​ല്‍ ശു​ദ്ധ​മാ​യ വെ​ള്ള​വും ഐ​സും ഉ​പ​യോ​ഗി​ച്ചാ​ണെ​ന്നും ഉ​റ​പ്പു​വ​രു​ത്ത​ണം. ന​ന്നാ​യി തി​ള​പ്പി​ച്ച വെ​ള്ളം മാ​ത്രം കു​ടി​ക്കാ​ന്‍ ഉ​പ​യോ​ഗി​ക്കു​ക. ഒ​രു കാ​ര​ണ​വ​ശാ​ലും തി​ള​ച്ച വെ​ള്ള​ത്തി​ല്‍ പ​ച്ച​വെ​ള്ളം ചേ​ര്‍ക്ക​രു​ത്. പു​റ​മെ നി​ന്നു​ള്ള ഭ​ക്ഷ​ണ​വും ശീ​ത​ള​പാ​നീ​യ​ങ്ങ​ളും ക​ഴി​വ​തും ഒ​ഴി​വാ​ക്കു​ക. പു​റ​ത്തു​പോ​കു​മ്ബോ​ള്‍ കു​ടി​വെ​ള്ളം ക​രു​തു​ക.

Back to top button
error: