KeralaNEWS

ഏഴു വയസ്സുകാരൻ ദേവരാജ് ഇന്ത്യൻ ബുക്ക് ഓഫ് റെക്കോർഡ്സിൽ…

കാഞ്ഞങ്ങാട്: കൊറോണ എന്ന അതി മനോഹരമായ വാക്കിലറിയപ്പെട്ട മഹാമാരി വിതയ്ക്കുന്ന ഭീകരമായ വർത്തമാന കാല പരിതസ്ഥിതിയെക്കുറിച്ച് തിരിച്ചറിയാൻ പറ്റാത്ത തന്റെ ചെറു പ്രായത്തിൽപ്പോലും അതിനെതിരെ സാമൂഹ്യ മാധ്യമത്തിലൂടെ സമൂഹത്തെ ബോധവൽക്കരിച്ചു കൊണ്ടിരിക്കുന്ന കൊച്ചു മിടുക്കനാണ് മടിക്കൈ കക്കാട്ടെ ദേവരാജ് എന്ന രണ്ടാം ക്ലാസുകാരൻ. മൊട്ടത്തലയും വള്ളി ട്രൗസറുമായി സ്വതസിദ്ധമായ പുഞ്ചിരിയോടെ ‘മൊട്ടൂസ്’ ചെറിയ വാക്കുകളിലൂടെ കാര്യങ്ങൾ പറഞ്ഞു തുടങ്ങുമ്പോൾ നമ്മൾ ഗൗരവമായി ശ്രദ്ധിച്ചു പോകുന്നു. തുടർച്ചയായി ദിവസം തോറും യൂട്യൂബിലൂടെ ‘മൊട്ടുസ്’ കൊറോണയെ പ്രതിരോധിക്കേണ്ട നുറുങ്ങു വിവരങ്ങൾ കൈമാറിയിട്ട് ഒരു വർഷം പിന്നിട്ടിരിക്കുന്നു.

എൺപത്തിയൊന്നാം എപ്പിസോഡ് കഴിഞ്ഞ ദിവസം പുറത്തിറങ്ങി. തൊണ്ണൂറ്റി ഒന്നാമത്തെ എപ്പിസോഡ് നിറവിലാണ് ‘മൊട്ടൂസി’ന് ഇന്ത്യൻ ബുക്ക് ഓഫ് റെക്കാർഡ്സ് ലഭിച്ചത്. ജില്ലയിലും സംസ്ഥാന തലത്തിലും കോവിഡ് പ്രതിരോധ പ്രവർത്തനങ്ങൾ വിലയിരുത്തപ്പെടുമ്പോൾ സ്ഥിരമായി പരാമർശിക്കപ്പെടുന്നവനായി മാറിയിരിക്കുന്നു മൊട്ടൂസ്. കാഞ്ഞിരപ്പൊയിൽ ഗവൺമെന്റ് ഹൈസ്കൂളിലെ അധ്യാപകനും ദേവരാജിന്റ പിതാവുമായ കെ വി രാജേഷ് മാഷാണ്
ഈ ആശയത്തിനു പിന്നിലെ പ്രധാനി. ദേവരാജിന്റെ അമ്മ റീജയാണ് ഓരോ എപ്പിസോഡിന്റെയും രചന
നിർവ്വഹിക്കുന്നത്.

പെങ്ങൾ ദേവികാരാജും സർവ്വാത്മനാ ഇവരുടെ കൂടെ നിൽക്കുന്നു. മുഖ്യമന്ത്രിയുടെ പ്രതിദിന സായാഹ്ന പരിപാടിയിൽ നിന്നും പത്രങ്ങളിൽ നിന്നും കിട്ടുന്ന അറിവുകൾ ക്രോഡീകരിച്ചുമാണ് അമ്മ റീജ പരിപാടി തയ്യാറാക്കുന്നത്. അച്ഛൻ രാജേഷ് മാഷ് തന്നെയാണ് പരിപാടി സംവിധാനം ചെയ്യുന്നതും ക്യാമറ ചലിപ്പിക്കുന്നതും.
കേരള ക്ഷേത്ര വാദ്യകലാ അക്കാദമിയുടെ സംസ്ഥാന ജനറൽ സെക്രട്ടറിയും കെ എസ് ടി എ ജില്ലാ ജോയിന്റ് സെക്രട്ടറിയുമാണ് രാജേഷ് മാഷ്.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker