BusinessNEWS

ആത്മഹത്യ ചെയ്ത ബാലപീഡകൻ ജഫ്രിയും ബിൽഗേറ്റ്സ് തമ്മിലുള്ള ബന്ധമെന്ത്? ബിൽഗേറ്റ്സ് – മെലിൻഡ വേർപിരിയലിന് കാരണം ജഫ്രിയുമായുള്ള ബന്ധം?

2011 മുതൽ ബിൽഗേറ്റ്സും ജെഫ്രിയും തമ്മിൽ പരിചയത്തിൽ ആയിരുന്നു

ആത്മഹത്യ ചെയ്ത ബാലപീഡകൻ ജഫ്രിയുമായി ബിൽഗേറ്റ്സിന് ഉണ്ടായിരുന്ന അടുത്ത ബന്ധമാണ് ബിൽഗേറ്റ്സ് – മെലിൻഡ വേർപിരിയലിന് കാരണമെന്ന് റിപ്പോർട്ട്. കൗമാരക്കാരായ പെൺകുട്ടികളെ പണവും മറ്റും നൽകി പീഡിപ്പിക്കുകയും ഉന്നതർക്ക് കാഴ്ചവെക്കുകയും ചെയ്തു എന്ന കേസിലെ പ്രതിയാണ് ജഫ്രി. ജയിലിൽവെച്ച് 2019 ലായിരുന്നു ഇയാളുടെ ആത്മഹത്യ.

2011 മുതൽ ബിൽഗേറ്റ്സും ജെഫ്രിയും തമ്മിൽ പരിചയത്തിൽ ആയിരുന്നു. ജഫ്രി അറസ്റ്റിലാകുന്നത് വരെ പലപ്പോഴും ഇവർ പരസ്പരം കണ്ടിരുന്നു എന്നും റിപ്പോർട്ടുകൾ ഉണ്ട്. 2013 മുതൽ തന്നെ ഈ ബന്ധത്തിൽ മെലിൻഡക്ക് അതൃപ്തി ഉണ്ടായിരുന്നു എന്നാണ് സൂചന. ജഫ്രിയുമായി ബന്ധം അരുതെന്ന് മെലിൻഡ മുന്നറിയിപ്പ് നൽകിയതായും റിപ്പോർട്ടുണ്ട്.

2013 സെപ്റ്റംബറിൽ ജീവകാരുണ്യ പ്രവർത്തനങ്ങൾക്കുള്ള ബ്ലൂംബർഗ് അവാർഡ് സ്വീകരിച്ചതിനുശേഷം ബിൽഗേറ്റ്സും ഭാര്യയും നേരെ പോകുന്നത് ജഫ്രിയുടെ അപ്പാർട്ട്മെന്റിലേക്ക് ആയിരുന്നു എന്നാണ് വിവരം.

14 വയസ്സിനു താഴെയുള്ള പെൺകുട്ടികളെ വരെ ജഫ്രി ലൈംഗികചൂഷണത്തിന് ഉപയോഗിച്ചിരുന്നു എന്നാണ് ആരോപണം. എൺപതിലധികം സ്ത്രീകളാണ് ജഫ്രിക്കെതിരെ ആരോപണവുമായി രംഗത്തെത്തിയത്.

27 വർഷം നീണ്ട ദാമ്പത്യം ആണ് ബിൽഗേറ്റ്സും മെലിൻഡയും അവസാനിപ്പിച്ചത്. “വീണ്ടെടുക്കാനാവാത്ത വിധം തകർന്നു” എന്നാണ് വിവാഹമോചന ഹർജിയിൽ ബിൽഗേറ്റ്സും ആയുള്ള ബന്ധത്തെ മെലിൻഡ വിശേഷിപ്പിച്ചത്.

ഫോക്സിന്റെ കണക്കുകൾ പ്രകാരം 90 ലക്ഷം കോടി രൂപയുടെ സ്വത്താണ് ബിൽഗേറ്റ്സിന്റെ ആസ്തി. വാഷിംഗ്ടൺ നിയമമനുസരിച്ച് വിവാഹശേഷം ആർജ്ജിക്കുന്ന സ്വത്തിൽ ദമ്പതികൾക്ക് തുല്യ അവകാശമാണുള്ളത്. അതുകൊണ്ടുതന്നെ സ്വത്ത് പങ്കിടേണ്ടി വരും.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker