പാലക്കാട്, പുതുപ്പരിയാരത്തെ വൃദ്ധദമ്പതികളുടെ കൊലപാതകത്തില്‍ മകന്‍ സനല്‍ പിടിയില്‍. സംഭവത്തിന് ശേഷം മൈസൂരില്‍ ഒളിവില്‍ പോയ സനലിനെ സഹോദരന്‍ വിളിച്ചു വരുത്തുകയായിരുന്നു. തുടർന്ന് നാട്ടുകാരുടെ സഹായത്തോടെ ഇയാളെ പോലീസില്‍ ഏല്‍പ്പിച്ചു.
പുതുപ്പരിയാരം ഓട്ടൂര്‍ക്കാട് മയൂരം വീട്ടില്‍ ചന്ദ്രന്‍, ദേവി എന്നിവരെയാണ് തിങ്കളാഴ്ച കൊല്ലപ്പെട്ട നിലയിൽ കണ്ടെത്തിയത്. മൃതദേഹങ്ങൾ രക്തത്തിൽ കുളിച്ച നിലയിലായിരുന്നു.
ഞായറാഴ്ച രാത്രി ഒൻപത് വരെ സനൽ വീട്ടിലുണ്ടായിരുന്നു. തുടർന്ന് സംഭവത്തിന് ശേഷം ഇയാൾ മുങ്ങി. കൊലപാതകത്തിലേക്ക് നയിച്ച കാരണം വ്യക്തമല്ല.
