IndiaNEWS

ആദ്യ പട്ടികയിൽ കേരളം ഇല്ല, കോവാക്സിന്റെ നേരിട്ടുള്ള വിതരണം ആരംഭിച്ചു

25 ലക്ഷം ഡോസ് വാക്സിൻ ആണ് കേരളം ഭാരത് ബയോടെകിനോട് ആവശ്യപ്പെട്ടിട്ടുള്ളത്

ഭാരത് ബയോടെക് ഉൽപാദിപ്പിക്കുന്ന കോവാക്സിൻ സംസ്ഥാനങ്ങൾക്ക് നേരിട്ട് നൽകുന്നതിനുള്ള നടപടികൾ ആരംഭിച്ചു. പതിനാല് സംസ്ഥാനങ്ങൾക്കാണ് ആദ്യഘട്ടത്തിൽ വാക്സിൻ വിതരണം ചെയ്യുന്നത്. ആദ്യഘട്ടത്തിൽ വാക്സിൻ വിതരണം ചെയ്യുന്ന സംസ്ഥാനങ്ങളുടെ പട്ടികയിൽ കേരളം ഇല്ല. ദക്ഷിണേന്ത്യയിൽ ആന്ധ്രപ്രദേശിനും തമിഴ്നാടിനും തെലങ്കാനയ്ക്കും ആദ്യഘട്ടത്തിൽ വിതരണം ചെയ്യുന്നുണ്ട്.

25 ലക്ഷം ഡോസ് വാക്സിൻ ആണ് കേരളം ഭാരത് ബയോടെകിനോട് ആവശ്യപ്പെട്ടിട്ടുള്ളത്. ദക്ഷിണേന്ത്യയിൽ രോഗവ്യാപനം ഏറ്റവും ഉയർന്ന സംസ്ഥാനങ്ങളിലൊന്നാണ് കേരളം. എന്നാൽ ആദ്യഘട്ട വിതരണ ശൃംഖലയിൽ നിന്ന് കേരളത്തെ മാറ്റിനിർത്തിയിരിക്കുകയാണ്.

മഹാരാഷ്ട്ര, ഡൽഹി,ഗുജറാത്ത് എന്നീ ടെസ്റ്റ് പോസിറ്റീവിറ്റിയും കേസുകളും ഉയർന്നുനിൽക്കുന്ന സംസ്ഥാനങ്ങൾക്കാണ് ആദ്യ പരിഗണന ലഭിച്ചിരിക്കുന്നത്. ലഭ്യതയനുസരിച്ച് മറ്റു സംസ്ഥാനങ്ങൾക്ക് വാക്സിൻ നൽകുന്നത് പരിഗണിക്കും എന്ന് ഭാരത് ബയോടെക് വ്യക്തമാക്കിയിട്ടുണ്ട്. ഡോസ് ഒന്നിന് 400 രൂപ നിരക്കിലാണ് സംസ്ഥാനങ്ങൾക്ക് വാക്സിൻ വിതരണം ചെയ്യുന്നത്.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker