IndiaNEWS

ബന്ധുവുമായി രഹസ്യബന്ധം; ഉറങ്ങിക്കിടന്ന ഭാര്യയെ വെട്ടിക്കൊന്ന് ഭര്‍ത്താവ്

ഉറങ്ങിക്കിടന്ന ഭാര്യയെ വെട്ടിക്കൊന്ന് ഭര്‍ത്താവ്. തമിഴ്‌നാട് പൊള്ളാച്ചി തൊണ്ടമുത്തൂര്‍ സ്വദേശി എന്‍.ലക്ഷ്മണരാജ് (36) ആണ് ഭാര്യ ശരണ്യ (26)യെ വെട്ടിക്കൊലപ്പെടുത്തിയത്. സംഭവത്തിന് ശേഷം പ്രതി കീഴടങ്ങുകയായിരുന്നു.

വെളളിയാഴ്ച പുലര്‍ച്ചെയായിരുന്നു ദാരുണമായ സംഭവം. ആറു വര്‍ഷം മുമ്പ് വിവാഹിതരായ ഇവര്‍ക്ക് അഞ്ച് വയസ്സുളള ഒരു മകനുണ്ട്. എന്നാല്‍ കഴിഞ്ഞ 2 വര്‍ഷമായി ശരണ്യ, ലക്ഷ്മണരാജിന്റെ ബന്ധുവായ യുവാവുമായി അടുപ്പത്തിലായിരുന്നു. അടുത്തിടെ ഇക്കാര്യമറിഞ്ഞ ലക്ഷ്മണരാജ് ഈ ബന്ധത്തില്‍നിന്ന് ഭാര്യയെ വിലക്കിയെങ്കിലും വീണ്ടും യുവതി രഹസ്യബന്ധം തുടരുകയായിരുന്നു. തുടര്‍ന്ന് ഇവര്‍ക്കിടയില്‍ വഴക്കുണ്ടാവുകയും വെള്ളിയാഴ്ച പുലര്‍ച്ചെ ഉറങ്ങികിടക്കുകയായിരുന്ന ഭാര്യയെ ലക്ഷ്മണരാജ് വെട്ടിക്കൊലപ്പെടുത്തുകയുമായിരുന്നു.

കൃത്യം നടത്തിയ ശേഷം പ്രതി കീഴടങ്ങയതോടെ പോലീസെത്തി മൃതദേഹം വീട്ടില്‍നിന്ന് ആശുപത്രിയിലേക്ക് മാറ്റി. കോയമ്പത്തൂര്‍ മെഡിക്കല്‍ കോളേജില്‍ പോസ്റ്റ്‌മോര്‍ട്ടം പൂര്‍ത്തിയാക്കിയ ശേഷം മൃതദേഹം ബന്ധുക്കള്‍ക്ക് വിട്ടുനല്‍കി. പ്രതിയെ ജുഡീഷ്യല്‍ കസ്റ്റഡിയില്‍ റിമാന്‍ഡ് ചെയ്തു

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker