IndiaNEWS

കേന്ദ്ര സർക്കാരിനെ രൂക്ഷമായ ഭാഷയിൽ വിമർശിച്ച് ഡൽഹി ഹൈക്കോടതി

ജനങ്ങളുടെ ജീവിക്കാനുള്ള അവകാശം സംരക്ഷിക്കാൻ കേന്ദ്ര സർക്കാരിന് ബാധ്യതയുണ്ടെന്ന് ഹൈക്കോടതി ചൂണ്ടിക്കാട്ടി

കേന്ദ്ര സർക്കാരിനെതിരെ രൂക്ഷമായ വിമർശനവുമായി ഡൽഹി ഹൈക്കോടതി. 1400 കോവിഡ് രോഗികൾ ചികിത്സയിൽ കഴിയുന്ന ആറ് മാക്സ് ആശുപത്രികളിൽ അടിയന്തരമായി ഓക്സിജൻ ലഭ്യമാക്കാൻ നിർദ്ദേശം.

ബുധനാഴ്ച രാത്രി എട്ടുമണിക്ക് പ്രത്യേക സിറ്റിംഗ് നടത്തിയ ഹൈക്കോടതിയാണ് കേന്ദ്രത്തെ രൂക്ഷമായ ഭാഷയിൽ വിമർശിച്ചത്. ജനങ്ങളുടെ ജീവിക്കാനുള്ള അവകാശം സംരക്ഷിക്കാൻ കേന്ദ്ര സർക്കാരിന് ബാധ്യതയുണ്ടെന്ന് ഹൈക്കോടതി ചൂണ്ടിക്കാട്ടി. ഏതുവിധേനയും ഓക്സിജൻ എത്തിക്കണമെന്ന് ജസ്റ്റിസുമാരായ വിപിൻ സാങ്വി,രേഖ പാലി എന്നിവരടങ്ങുന്ന ബെഞ്ച് നിർദേശിച്ചു.

വ്യവസായ മേഖലകളിൽ നിന്നുള്ള ഓക്സിജൻ മാറ്റേണ്ടി വന്നാലും ആശുപത്രികളിലേക്ക് എത്തിക്കണമെന്ന് കോടതി ഉത്തരവിട്ടു. ഇപ്പോഴത്തെ അവസ്ഥ ചൂണ്ടിക്കാണിക്കുന്നത് ജനങ്ങളുടെ ജീവനെക്കുറിച്ച് സർക്കാരിന് ചിന്തയില്ല എന്നതാണെന്നും കോടതി കുറ്റപ്പെടുത്തി.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker