IndiaNEWS

ഫെയ്‌സ്ബുക്ക് പോസ്റ്റിന് ലൈക്കടിച്ചതില്‍ തുടങ്ങിയ പ്രണയം, ഒളിച്ചോട്ടം, പിന്നീട് യുവതിക്ക് സംഭവിച്ചത്‌

ഫെയ്‌സ്ബുക്ക് പ്രണയത്തിനൊടുവില്‍ ഒളിച്ചോട്ടത്തിനിടെ കാമുകിയുടെ സ്വര്‍ണവും പണവും മോഷ്ടിച്ച കാമുകന്‍ അറസ്റ്റില്‍. പട്‌ന സ്വദേശിയായ അഭിഷേക് ഠാക്കൂര്‍ എന്നയാളെയാണ് പെണ്‍കുട്ടിയുടെ പരാതിയില്‍ അറസ്റ്റ് ചെയ്തത്. ജാര്‍ഖണ്ഡിലെ ഗോഡ്ഡയിലാണ് സംഭവം. ഇയാള്‍ പെണ്‍കുട്ടിയെ മര്‍ദ്ദിക്കുന്നതായി സിസിടിവി ദൃശ്യങ്ങളില്‍ നിന്ന് വ്യക്തമാണ്.

ഫെയ്‌സ്ബുക്ക് പോസ്റ്റിന് ലൈക്കടിച്ചതില്‍ തുടങ്ങിയ പരിചയമാണ് ഇവരെ പ്രണയബന്ധത്തിലേക്ക് നയിച്ചതെന്ന് പോലീസ് പറയുന്നു. തുടര്‍ന്ന് ചാറ്റിങ്ങും ഫോണ്‍വിളിയും പതിവായി. മാത്രമല്ലമുംബൈയില്‍ ജോലി ചെയ്ത പെണ്‍കുട്ടി തന്റെ പണം മുടങ്ങി യുവാവിന് ഒരു ബൈക്കും വാങ്ങി കൊടുത്തു. അങ്ങനെ മൂന്ന് വര്‍ഷത്തോളം നീണ്ട പ്രണയത്തിനൊടുവില്‍ ഇവര്‍ ഒരുമിച്ച് താമസിക്കാന്‍ തീരുമാനിക്കുകയായിരുന്നു.

ജാര്‍ഖണ്ഡ് സ്വദേശിയായ യുവതി മുംബൈയില്‍ താമസിക്കുന്നതിനാല്‍ പാട്‌ന സ്വദേശിയായ യുവാവ് മുംബൈയിലെത്തി. പെണ്‍കുട്ടിയേയും കൊണ്ട് പാട്‌നയിലെ വീട്ടിലേക്ക് പോകാന്‍ തീരുമാനിച്ചു. യാത്രാ മധ്യേ യുവാവിന്റെ മനസ്സ് മാറി. സ്വന്തം വീട്ടിലേക്ക് പോകുന്നില്ലെന്ന് യുവാവ് പറഞ്ഞു. തുടര്‍ന്ന് ഇരുവരും വാക്കുതര്‍ക്കമാവുകയും പെണ്‍കുട്ടിയെ മര്‍ദ്ദിക്കുകയും ചെയ്തു. തുടര്‍ന്ന് പെണ്‍കുട്ടിയുടെ കൈവശമുണ്ടായിരുന്ന ഒന്നരലക്ഷം രൂപയും ആഭരണങ്ങളും കവര്‍ന്നശേഷം യുവാവ് രക്ഷപെടുകയായിരുന്നു.

തുടര്‍ന്ന് പെണ്‍കുട്ടി നല്‍കിയ പരാതിയുടെ അടിസ്ഥാനത്തില്‍ നടത്തിയ അന്വേഷണത്തില്‍ യുവാവിനെ പിടികൂടുകയായിരുന്നു. നഷ്ടപ്പെട്ട പണവും സ്വര്‍ണവും ഇയാളില്‍ നിന്നും കണ്ടെടുത്തതായി പോലീസ് പറഞ്ഞു.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker