KeralaNEWS

ഭീമാ ജ്വല്ലറി ഉടമയുടെ വീട്ടിലെ മോഷണം; മോഷ്ടാവിന്റെ ചിത്രം പുറത്തുവിട്ട് പോലീസ്‌

ഭീമ ജ്വല്ലറി ഉടമ ബി ഗോവിന്ദന്റെ വീട്ടില്‍ മോഷണം നടത്തിയ മോഷ്ടാവിന്റെ ചിത്രം പോലീസ് പുറത്തുവിട്ടു. വീട്ടിലെ സിസിടിവിയില്‍ നിന്ന് ലഭിച്ച ദൃശ്യങ്ങളാണ് പുറത്തുവിട്ടിരിക്കുന്നത്. ഇയാളെക്കുറിച്ച് വിവരം ലഭിക്കുന്നവര്‍ പോലീസിനെ അറിയിക്കണമെന്നും അഭ്യര്‍ത്ഥനയുണ്ട്.

പ്രതിയുടെ കൈയില്‍ ടാറ്റൂ പതിച്ചിരിക്കുന്നത് ദൃശ്യങ്ങളില്‍ നിന്ന് വ്യക്തമായതിനാല്‍ അയാള്‍
ഉത്തരേന്ത്യന്‍ സ്വദേശിയാണെന്നാണ് നിഗമനം. ഗ്രില്‍സിന്റെ അഴിക്കള്‍ക്കിടയിലൂടെയാണ് വീടിനകത്ത് കടന്നതെന്നതിനാല്‍ പ്രതി ഒരു അഭ്യാസിയാണെന്നും അസാമാന്യമായ മെയ് വഴക്കമുള്ളയാളാണെന്നും പോലീസ് കരുതുന്നു.

അതിനിടെ, വീടിനെക്കുറിച്ച് കൃത്യമായ ധാരണയുള്ളവര്‍ക്കേ മോഷണം നടത്താനാകൂ എന്ന കണ്ടെത്തലിനെ തുടര്‍ന്ന് വീട്ടില്‍ നേരത്തെ ജോലിക്ക് വന്നവരെ കേന്ദ്രീകരിച്ചും പോലീസ് അന്വേഷണം പുരോഗമിക്കുകയാണ്. മാത്രമല്ല നേരത്തെ ജോലിചെയ്തിരുന്നവരിലേക്ക് അന്വേഷണം വ്യാപിപ്പിച്ചു.

ഏപ്രില്‍ 14-നാണ് ഭീമ ജൂവലറി ഉടമ ഡോ. ഗോവിന്ദന്റെ കവടിയാറിലെ വീട്ടില്‍ മോഷണം നടന്നത്. രണ്ടരലക്ഷം രൂപയുടെ വജ്രാഭരണങ്ങളും 60,000 രൂപയുമാണ് മോഷണംപോയത്.വീടിന്റെ വാതിലോ ജനലോ തകര്‍ക്കാതെയാണ് മോഷ്ടാവ് അകത്തുകയറിയത്. വീടിന് പിന്‍ വശത്തായി ഉള്ളിലേക്ക് തുറക്കാവുന്ന ഡോര്‍ വഴി മോഷ്ടാവ് അകത്തു കടന്നു എന്നാണ് നിഗമനം.

ഗോവിന്ദന്റെ മകള്‍ വ്യാഴാഴ്ച ബംഗളൂരുവിലേക്ക് പോകാനായി ഇരിക്കുകയായിരുന്നു. ഇതിനായി തയ്യാറാക്കിവെച്ച ബാഗില്‍ നിന്നാണ് ബ്രേസ്ലെറ്റ്, മോതിരം, കമ്മല്‍ എന്നിവ നഷ്ടമായത്.
രാജ്ഭവന് സമീപമാണ് വീട്. ഉയര്‍ന്ന മതിലും സെക്യൂരിറ്റി സ്റ്റാഫും ഒന്നിലേറെ നായ്ക്കളും ഈ വീട്ടിലുണ്ട്.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker