IndiaNEWS

കുംഭമേളയിലെ സന്യാസിമാർക്ക് കോവിഡ് ലക്ഷണങ്ങൾ, സന്യാസിമാർ ഹരിദ്വാർ വിടണമെന്ന് നിരഞ്ജനി അഘാര

പ്രമുഖ അഘാരകളിൽ ഒന്നാണ് നിരഞ്ജനി അഘാര

ഹരിദ്വാറിൽ പ്രതിദിനം 600 ലേറെ കൊറോണ കേസുകളാണ് ഇപ്പോൾ റിപ്പോർട്ട് ചെയ്യുന്നത്. ഈ പശ്ചാത്തലത്തിൽ സന്യാസിമാർ ഹരിദ്വാർ വിടണമെന്ന് നിരഞ്ജനി അഘാര നിർദ്ദേശിച്ചു. പ്രമുഖ അഘാരകളിൽ ഒന്നാണ് നിരഞ്ജനി അഘാര.

” ഹരിദ്വാർ നല്ല സ്ഥിതിയിൽ അല്ല.നിരഞ്ജനി അഘാരയിലെ സന്യാസികൾ ഗംഗാസ്നാനം കഴിഞ്ഞ് ഉടൻതന്നെ പ്രദേശം വിടേണ്ടതാണ്. ” മറ്റുള്ള അഘാരകളും ഈ നിർദ്ദേശം പാലിക്കുമെന്ന് ആഗ്രഹിക്കുന്നു എന്ന് നിരഞ്ജനി അഘാര സെക്രട്ടറി രവീന്ദ്ര പുരി പറഞ്ഞു.

13 അഘാരകൾക്ക് കീഴിലായി ലക്ഷക്കണക്കിന് സന്യാസിമാരാണ് ഉള്ളത്. കുംഭമേള നടന്നുകൊണ്ടിരിക്കെ തന്നെ നിരവധി സന്യാസിമാർക്ക് കോവിഡ് പോസിറ്റീവായി. അഘാര പരിഷത്തിന്റെ തലവൻ സന്യാസി നരേന്ദ്ര ഗിരിക്ക് കോവിഡ് പോസിറ്റീവാണ്. ഋഷികേശിലെ എയിംസിൽ ചികിത്സയിലാണ് അദ്ദേഹം. നിരവധി സന്യാസിമാർക്ക് കോവിഡ് ലക്ഷണങ്ങളുണ്ട്.

മധ്യപ്രദേശിൽ നിന്നുള്ള മഹാ നിർവാണി അഘാരയുടെ തലവൻ സ്വാമി കപിൽദേവ് കോവിഡ് ചികിത്സയിലിരിക്കെ മരണമടഞ്ഞു. 65 വയസ്സാണ് അദ്ദേഹത്തിനുള്ളത്.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker