കോവിഡ് വാക്‌സിന്‍ കുട്ടികളില്‍ പരീക്ഷിക്കുന്നത് നിര്‍ത്തിവെച്ചു. അസ്‌ട്രെസെനക്കയും ഓക്‌സ്ഫഡ് സര്‍വ്വകലാശാലയും ചേര്‍ന്ന് വികസിപ്പിച്ച വാക്‌സിന്‍ പരീക്ഷണമാണ് നിര്‍ത്തിവെച്ചത്.
രക്തം കട്ടപിടിക്കുന്നത് നിരീക്ഷിക്കുന്നതിനാണ് താല്‍കാലികമായി പരീക്ഷണം നിര്‍ത്തിവച്ചതെന്ന് ഓക്‌സ്ഫഡ് സര്‍വകലാശാല അധികൃതര്‍ അറിയിച്ചു. മുതിര്‍ന്നവരില്‍ രക്തം കട്ടപിടിക്കുന്നതുമായി ബന്ധപ്പെട്ടു ചുരുക്കം സംഭവങ്ങളില്‍ എംഎച്ച്ആര്‍എയുടെ വിശദീകരണത്തിനായി കാത്തിരിക്കുകയാണ്.
വാക്‌സീനും രക്തം കട്ടപിടിക്കുന്നതും തമ്മില്‍ ബന്ധമുണ്ടോ എന്ന് ബ്രിട്ടന്റെ മെഡിസിന്‍ ആന്‍ഡ് ഹെല്‍ത്ത്‌കെയര്‍ പ്രൊഡക്ട്‌സ് റെഗുലേറ്ററി ഏജന്‍സി നിരീക്ഷിക്കുകയാണ്. ലോകാരോഗ്യ സംഘടനയും യൂറോപ്യന്‍ മെഡിസിന്‍ ഏജന്‍സിയും ചേര്‍ന്ന് പഠന വിവരങ്ങള്‍ ഈ ആഴ്ച പുറത്തുവിടും. അതേസമയം, വാക്‌സീന്റെ സുരക്ഷയുമായി ബന്ധപ്പെട്ടു യാതൊരു ആശങ്കയുമില്ലെന്നും അധികൃതര്‍ അറിയിച്ചു.
യൂറോപ്പിലെ ചില രാജ്യങ്ങളില്‍ വാക്‌സീന്‍ സ്വീകരിച്ച ചുരുക്കംപേരില്‍ രക്തം കട്ടപിടിക്കുന്നത് റിപ്പോര്‍ട്ട് ചെയ്തിരുന്നു.
