KeralaNEWS

“അനില്‍ കെ ആന്റണി മരക്കഴുത. എന്തു ഗുണമുണ്ടായി ഈ ചങ്ങായിനെ കൊണ്ട്..? സോഷ്യല്‍ മീഡിയയില്‍ എന്ത് കോപ്പാണ് ചെയ്തത്…?” കോണ്‍ഗ്രസ് സൈബര്‍ ടീം

കെ.പി.സി.സി മീഡിയ സെല്‍ കണ്‍വീനറും എ.ഐ.സി.സി സോഷ്യല്‍ മീഡിയ സെല്‍ കോഡിനേറ്ററുമായ അനില്‍ കെ. ആന്റണിക്കെതിരെ കോണ്‍ഗ്രസ് അനുകൂലികളുടെ പ്രമുഖ പേജായ ‘കോണ്‍ഗ്രസ് സൈബര്‍ ടീം’ രംഗത്ത്

കൊച്ചി: നിയമസഭാ തെരഞ്ഞെടുപ്പിന്റെ വോട്ടിങ് കഴിഞ്ഞ് മണിക്കൂറുകള്‍ക്ക് പിന്നാലെ കെ.പി.സി.സി മീഡിയ സെല്‍ കണ്‍വീനറും എ.ഐ.സി.സി സോഷ്യല്‍ മീഡിയ സെല്‍ കോഡിനേറ്ററുമായ അനില്‍ കെ. ആന്റണിക്കെതിരെ കോണ്‍ഗ്രസ് അനുകൂലികളുടെ പ്രധാന പേജായ ‘കോണ്‍ഗ്രസ് സൈബര്‍ ടീം’ രംഗത്ത്.എ.കെ ആന്റണിയുടെ മകനായ അനില്‍ കെ ആന്റണിക്കെതിരെ ഗുരുതര ആരോപണങ്ങളാണ് കോണ്‍ഗ്രസ് സൈബര്‍ ടീം ഉന്നയിച്ചിരിക്കുന്നത്.

“കോണ്‍ഗ്രസിനെ സപ്പോര്‍ട്ട് ചെയ്യുന്ന എത്ര പേജ്, ഫേസ്ബുക് ഗ്രുപ്പ് ഉണ്ടെന്ന് അറിയാത്ത മരകഴുതയാണ് ഡിജിറ്റല്‍ മീഡിയ സെല്ലിന്റെ കണ്‍വീനര്‍ അനില്‍ കെ. ആന്റണി. ഈ ചങ്ങായിനെ കൊണ്ട് കോണ്‍ഗ്രസ് ഐ.ടി സെല്ലിന് തിരഞ്ഞെടുപ്പില്‍ വല്ല ഗുണവും ഉണ്ടായോ. ഈ നിര്‍ണായക തിരഞ്ഞെടുപ്പില്‍ പാര്‍ട്ടിക്ക് വേണ്ടി സോഷ്യല്‍ മീഡിയയില്‍ എന്ത് കോപ്പാണ് ഇയാള്‍ ചെയ്തിട്ടുള്ളത്. ഒരു രൂപാ പോലും പ്രതിഫലം വാങ്ങാതെ കോണ്‍ഗ്രസിന്റെ സൈബര്‍ പോരാളികള്‍ ശക്തര്‍ ആയത് കൊണ്ട് മാത്രം പ്രതിരോധം തീര്‍ത്തു. എ.സി മുറിയില്‍ ഇരുന്ന് സ്വന്തമായി പെയ്ഡ് ന്യൂസ് കൊടുത്തു ആളാകുന്നത് അല്ല അനിലേ സൈബര്‍ പോരാട്ടം. ഇതുപോലുള്ള പാഴുകളെ വച്ച് ഐ.ടി സെല്‍ നടത്തുന്നതിലും നല്ലത് കെ.പി.സി.സി ഐ.ടി സെല്‍ പിരിച്ചു വിടുന്നത് ആണ് നല്ലത്. പാര്‍ട്ടിക്ക് അത്രയും പണം ലാഭമായി കിട്ടും.” കോണ്‍ഗ്രസ് സൈബര്‍ ടീം ഫേസ്ബുക്കില്‍ വിമര്‍ശനമുന്നയിച്ചു.

തെരഞ്ഞെടുപ്പില്‍ നിര്‍ണായക പ്രചരണങ്ങള്‍ നടത്തുന്നതില്‍ വലിയ പങ്കുവഹിച്ചിട്ടുള്ള സൈബര്‍ ഗ്രൂപ്പാണ് ഇത്. ആ ഗ്രൂപ്പിലാണ് വോട്ടെടുപ്പ് കഴിഞ്ഞ് മണിക്കൂറുകള്‍ പിന്നിടുമ്പോഴേക്കും അനിലിനെതിരെ ഗുരുതര ആരോപണങ്ങള്‍ ഉയരുന്നത്.
തെരഞ്ഞെടുപ്പ് പ്രഖ്യാപിച്ചതിന് പിന്നാലെ കോണ്‍ഗ്രസിന്റെ സൈബര്‍ പ്രവര്‍ത്തനങ്ങളില്‍ പോരായ്മകളുണ്ടെന്ന വിമര്‍ശനം അനില്‍ ഉന്നയിച്ചിരുന്നു.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker