
പാലക്കാട്: തെരഞ്ഞെടുപ്പ് ഡ്യൂട്ടിക്ക് വന്ന പോളിങ് ഓഫീസര്ക്ക് കെട്ടിടത്തില് നിന്ന് വീണ് ഗുരുതര പരിക്ക്. ശ്രീകൃഷ്ണപുരം സ്വദേശി വിദ്യാ ലക്ഷ്മി(31) യാണ്
20 അടി താഴ്ചയിലേക്ക് വീണത്.
പുലര്ച്ചെ 5.30 ഓടെയായിരുന്നു സംഭവം.അഗളി ഗവണ്മെന്റ് വൊക്കേഷനല് ഹയര് സെക്കന്ററി സ്കൂളില് തെരഞ്ഞെടുപ്പ് ഡ്യൂട്ടിക്കെത്തിയ വിദ്യാ ലക്ഷ്മി മൂന്ന് നില കെട്ടിടത്തിന്റെ മുകളില് നിന്ന് താഴേക്ക് വീഴുകയായിരുന്നു. വീഴ്ചയില് നട്ടെല്ലിന് ഗുരുതരമായി പരിക്കേറ്റതായാണ് വിവരം. തുടര്ന്ന് ഇവരെ
കോട്ടത്തറ ട്രൈബല് സ്പെഷ്യാലിറ്റി ആശുപത്രിയില് പ്രഥമ ശുശ്രൂഷ നല്കിയ ശേഷം പെരിന്തല്മണ്ണയിലെ സ്വകാര്യ ആശുപത്രിയിലേക്ക് കൊണ്ടുപോയി.