KeralaNEWS

നിസാരക്കാരനല്ല കറമൂസ

നാട്ടിന്‍ പുറങ്ങളില്‍ സുലഭമായി കാണാന്‍ സാധിക്കുന്ന ഒന്നാണ് കറമൂസ എന്ന പപ്പായ.ഏറ്റവും കൂടുതല്‍ പപ്പായ ഉല്‍പ്പാദിപ്പിക്കുന്ന രാജ്യങ്ങളിൽ ഒന്ന് ഇന്ത്യയാണ്. കറമൂസ, പപ്പങ്ങ, മരമത്തങ്ങ, കപ്പളങ്ങ, കര്‍മത്തി, ദര്‍മ്മത്തുങ്കായ, ഓമക്കായ്‌; പപ്പരയ്ക്കാ, പപ്പര തുടങ്ങി പലതരം പേരുകളുണ്ട് പപ്പായയ്‌ക്ക്.പേരുകള്‍ പലതുപോലെ ഇതിന്റെ ഗുണവും പലതാണ്.പപ്പായ പച്ചയായും പഴുപ്പിച്ചും കഴിക്കുന്നത് ശരീരത്തിന് വളരെ നല്ലതാണ്.ഉദര രോഗങ്ങള്‍ അകറ്റാന്‍ ഇത് ഏറ്റവും ഗുണമുളളതാണ്.രക്തത്തിലെ കൗണ്ട് വര്‍ദ്ധിപ്പിക്കാനും രോഗപ്രതിരോധശേഷി വര്‍ധിപ്പിക്കാനും ഇത് സഹായിക്കുന്നു.
വിറ്റാമിന്‍ സി , വിറ്റാമിന്‍ ബി എന്നിവ അടങ്ങിയ പപ്പായ കഴിക്കുന്നത് ആരോഗ്യത്തിന് വളരെ നല്ലതാണ്. ധാതുലവണങ്ങള്‍, ഇരുമ്പിന്റെ അംശം, കാത്സ്യം, തയാമിന്‍, നിയാസിന്‍, പൊട്ടാസ്യം തുടങ്ങി എല്ലാ ഗുണങ്ങളും പപ്പായയില്‍ അടങ്ങിയിട്ടുണ്ട്. ബീറ്റാ കരോട്ടിന്‍, കരോട്ടിന്‍ എന്നിവ അടങ്ങിയതിനാല്‍ പപ്പായ അര്‍ബുദത്തെ പ്രതിരോധിക്കാന്‍ സഹായിക്കുന്നു.ശരിയായ രക്തയോട്ടത്തിനും രക്തശുദ്ധി വരുത്തുന്നതിനും സഹായിക്കുന്നതോടൊപ്പം സ്‌ട്രോക്ക് തടയാന്‍ ഒരു പരിധിവരെ പപ്പയ്‌ക്ക് സാധിക്കുന്നു. ശ്വാസകോശസംബന്ധമായ അസുഖങ്ങള്‍ക്കും കരള്‍ സംബന്ധമായ അസുഖങ്ങള്‍ക്കും പപ്പായ വളരെ നല്ലതാണ്. മൂലക്കുരു, മലബന്ധം തുടങ്ങിയ അസുഖങ്ങള്‍ ഇല്ലാതാക്കുന്നതിന് പപ്പായ ദിവസം കഴിക്കുന്നത് നല്ലതാണ്.

അതേപോലെ തൊലിപ്പുറമേ കാണുന്ന വെള്ള നിറത്തിലുള്ള പാടുകള്‍ ഇല്ലാതാക്കുന്നതിനും ചര്‍മ്മത്തിലെ ചുളവുകള്‍ ഇല്ലാതാക്കുന്നതിനും പപ്പായ നല്ലതാണ്.കണ്ണിന്റെ ആരോഗ്യത്തിനും ഏറെ ഗുണപ്രദമാണിത്. പഴുത്ത പപ്പായ കുരുകളഞ്ഞ് മുഖത്തു പുരട്ടുന്നത് മുഖത്തിന് തിളക്കം കൂട്ടുകയും മുഖത്തെ കറുത്ത പാടുകള്‍ ഇല്ലാതാക്കുകയും ചെയ്യുന്നു.

Back to top button
error: