LIFEMovie

യാരേയും ഇവളോ അഴകാ…; സുല്‍ത്താനിലെ വീഡിയോ ഗാനം പുറത്ത്‌

കാര്‍ത്തിയെ നായകനാക്കി ഭാഗ്യരാജ് കണ്ണന്‍ സംവിധാനം ചെയ്യുന്ന സുല്‍ത്താന്‍ എന്ന ചിത്രത്തിന്റെ വീഡിയോ ഗാനം പുറത്തിറങ്ങി. യാരേയും
ഇവളോ അഴകാ… എന്ന് തുടങ്ങുന്ന ഗാനം ആലപിച്ചിരിക്കുന്നത് നടന്‍ സിലമ്പരശനും മെര്‍വിന്‍ സോളമനുമാണ്. വിവേകും മെര്‍വിനുമാണ് സംഗീതം നല്‍കിയിരിക്കുന്നത്.

രശ്മിക മന്ദനയാണ് ചിത്രത്തിലെ നായിക. മലയാളികളായ ലാലും ഹരീഷ് പേരാടിയും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ചിത്രം ഏപ്രില്‍ 2 ന് തീയേറ്ററുകളിലെത്തും. ശിവകാര്‍ത്തികേയനെ നായകനാക്കി റെമോ എന്ന സൂപ്പര്‍ഹിറ്റ് ചിത്രം സംവിധാനം ചെയ്ത ഭാഗ്യരാജ് കണ്ണന്റെ രണ്ടാമത്തെ ചിത്രമാണ് സുല്‍ത്താന്‍. കൈതിയുടെ വലിയ വിജയത്തിന് ശേഷം ഡ്രീംസ് വാരിയേഴ്സ് പിക്ചേഴ്സുമായി ചേര്‍ന്ന് കാര്‍ത്തി സഹകരിക്കുന്ന പുതിയ ചിത്രമാണ് സുല്‍ത്താന്‍.

ചിത്രം ഒരു മാസ് ആക്ഷന്‍ എന്റര്‍ടൈനറാണെന്നാണ് അണിയറ പ്രവര്‍ത്തകര്‍ പറയുന്നത്. മുന്‍ചിത്രങ്ങള്‍ പോലെ സുല്‍ത്താനും ബോക്സ് ഓഫീസില്‍ വലിയ വിജയമാവുമെന്നാണ് കാര്‍ത്തിയുടെ ആരാധകര്‍ പ്രതീക്ഷിക്കുന്നത്.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker