KeralaNEWS

സുരേഷ്‌ഗോപിക്ക് നാക്ക് പിഴയില്ല, കോലിബി സഖ്യം മറ നീക്കി പുറത്തു വന്നു: മുഖ്യമന്ത്രി പിണറായി വിജയന്‍

ഗുരുവായൂരില്‍ ലീഗ് സ്ഥാനാര്‍ത്ഥി കെ.എന്‍.എ ഖാദര്‍ വിജയിക്കണമെന്നും തലശ്ശേരിയില്‍ എല്‍.ഡി.എഫ് സ്ഥാനാര്‍ത്ഥി എ.എന്‍ ഷംസീര്‍ തോല്‍ക്കണമെന്നുമുള്ള ബിജെപി നേതാവ് സുരേഷ് ഗോപി എം .പിയുടെ പ്രസ്താവനക്കെതിരെ മുഖ്യമന്ത്രി പിണറായി വിജയന്‍. സുരേഷ്‌ഗോപി പറഞ്ഞത് ഒരു നാക്ക് പിഴയായി കാണാന്‍ കഴിയില്ലെന്നും ഇത് ബി.ജെ.പിയും കോണ്‍ഗ്രസും ലീഗും തമ്മിലുള്ള ഡീലിനെകുറിച്ചുള്ള വെളിപ്പെടുത്തലാണെന്നും മുഖ്യമന്ത്രി പറഞ്ഞു. കണ്ണൂരില്‍ മാധ്യമങ്ങളോട് സംസാരിക്കുകയായിരുന്നു അദ്ദേഹം.

മുഖ്യമന്ത്രിയുടെ വാക്കുകൾ:‘കോലിബി’ എന്ന അവിശുദ്ധ സഖ്യത്തില്‍ രണ്ട് കൂട്ടരും തയ്യാറാണെന്ന് മത്രമല്ല, ആ സന്ദേസം പല രീതിയില്‍ അണികള്‍ക്ക് നല്‍കുകയാണ്. ഏറ്റവും ഒടുവില്‍ ബി.ജെ.പിയുടെ കേരളത്തിലെ പ്രമുഖനായ നേതാവ്, ഇപ്പോള്‍ അദ്ദേഹം സ്ഥാനാര്‍ത്ഥിയുമാണ്. ഇന്നലെ പറഞ്ഞത് ഗുരുവായൂരില്‍ കെ.എന്‍.എ ഖാദര്‍ ജയിക്കണം. തലശേരിയില്‍ ഷംസീര്‍ ഒരു കാരണവശാലും ജയിക്കരുത് എന്നാണ്. യു.ഡി.എഫിന്റെ വിജയത്തിന് വേണ്ടി ബി.ജെ.പിക്ക് സ്ഥാനാര്‍ത്ഥി തന്നെ വേണ്ട എന്ന കണക്കാക്കിയ മൂന്നു മണ്ഡലങ്ങലില്‍ രണ്ട് മണ്ഡലങ്ങളാണിത്. ആ രണ്ട് മണ്ഡലങ്ങളെക്കുറിച്ചാണ് ഇപ്പോള്‍ പരസ്യമായി പറഞ്ഞിരിക്കുന്നത്. യു.ഡി.എഫ് സ്ഥാനാര്‍ത്ഥികള്‍ ജയിക്കണം എന്നാണ് പറഞ്ഞത്.

ഇതൊരു നാക്ക് പിഴയല്ല. ബിജെപിയുടെ പ്രധാനിയാണ് ഇതു പറഞ്ഞത്. എങ്ങനെയാണ് അവര്‍ ചിന്തിക്കുന്നതെന്ന് അദ്ദേഹത്തിനറിയാം,. പരസ്യമായി ഇത്തരം കാര്യങ്ങള്‍ വിളിച്ച് പറയാന്‍ മറ്റ് നേതാക്കള്‍ തയ്യാറായെന്ന് വരില്ല. എന്നാല്‍ ഇദ്ദേഹത്തിന്റെ രീതി വച്ച് അത്രത്തോളം ജാഗ്രത പാലിക്കാന്‍ കഴിഞ്ഞില്ല. ഉള്ള ഒരു കാര്യം തുറന്ന് പറഞ്ഞു. ഇതില്‍ കാണേണ്ടത് ഒ.രാജഗോപാല്‍ പറഞ്ഞ ഒരു കാര്യമാണ്. അദ്ദേഹം പറഞ്ഞത് പ്രാദേശികമായി നീക്ക് പോക്കുകള്‍ ഉണ്ടാക്കുന്നത് ശരിയാണ്. അത് ഇനിയും വേണം. ഒരു കാര്യം കൂടി കൂട്ടി ചേര്‍ത്ത് പറഞ്ഞു. ഇതിന്റെ ഭാഗമായി ബി.ജെ.പിക്കാണ് ഗുണം ഉണ്ടായിട്ടുള്ളത്. ബി.ജെ.പി ഒരു ഡീല്‍ ഉറപ്പിക്കുമ്പോള്‍ അതിന്റെ ഗുണം എന്തായാലും കാണുന്നുണ്ട്.

കഴിഞ്ഞ തവണ നേമംവിജയിച്ച് വരാന്‍ സാധിച്ചു. അതിന് വിഷമമുണ്ടായില്ല. അതിന്റെ അടുത്ത മണ്ഡലത്തില്‍ കോണ്‍ഗ്രസ് വിജയിച്ചു. കോണ്‍ഗ്രസിന്റേയും യു.ഡി.എഫിന്റേയും സഹായത്തോടെ ആദ്യമായി അക്കൗണ്ട് തുറന്നു.എല്‍.ഡി.എഫ് വീണ്ടും അധികാരത്തില്‍ വന്നാല്‍ സര്‍വ്വനാശമാണെന്ന് പ്രസ്താവിച്ച എ.കെ ആന്റണിയ്ക്ക് നേരെയും പിണറായി രൂക്ഷവിമര്‍ശനമുയര്‍ത്തി. എല്‍.ഡി.എഫ് വരുന്നത് സര്‍വ്വനാശമെന്ന് പറയുന്ന ഈ നേതാവ് ബി.ജെ.പിയുമായുള്ള ഈ ഒത്തുകളി നാശത്തിനാണെന്ന് പറയാന്‍ തയ്യാറാകാത്തതെന്തെന്നും ചോദിച്ചു. സംസ്ഥാനത്തിന് അര്‍ഹതപ്പെട്ടത് തരാത്തപ്പോള്‍ പോലും കോണ്‍ഗ്രസ് നേതാക്കള്‍ കേന്ദ്രത്തെ വിമര്‍ശിക്കാറില്ലല്ലോ എന്നും മുഖ്യമന്ത്രി ആഞ്ഞടിച്ചു.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker