NewsThen Special

ബി.ജെ.പി സ്ഥാനാര്‍ത്ഥികള്‍ ഇല്ലെങ്കിൽ വോട്ട് നോട്ടയ്ക്ക് : സുരേഷ് ഗോപി

“എന്‍ഡിഎയ്ക്ക് സ്ഥാനാര്‍ത്ഥികളില്ലാത്ത മണ്ഡലങ്ങളില്‍ ആര്‍ക്ക് വോട്ട് ചെയ്യണമെന്ന് ആഗ്രഹിക്കുന്നു…” എന്ന ചോദ്യത്തിനാണ് വോട്ട് നോട്ടയ്ക്ക് നല്‍കാന്‍ സുരേഷ് ഗോപി ആവശ്യപ്പെട്ടത്. എന്‍.ഡി.എയ്ക്ക് സ്ഥാനാര്‍ത്ഥികളില്ലാത്ത മണ്ഡലങ്ങളില്‍ വോട്ട് ‘നോട്ട’യ്ക്ക് നല്‍കണമെന്നും അങ്ങനെയല്ലെങ്കില്‍ സി.പി.എമ്മിനെതിരെ വോട്ട് ചെയ്യണമെന്നും ബി.ജെ.പി സ്ഥാനാര്‍ത്ഥിയും എംപിയുമായ സുരേഷ് ഗോപി.

അതേസമയം എന്‍ ഡി എ സ്ഥാനാര്‍ത്ഥികളില്ലാത്ത തലശ്ശേരിയില്‍ സി.പി.എം സ്ഥാനാര്‍ത്ഥി എഎന്‍ ഷംസീര്‍ ഒരു കാരണവശാലും ജയിക്കരുതെന്നും ഗുരുവായൂരില്‍ യുഡിഎഫ്/ മുസ്ലിം ലീഗ് സ്ഥാനാര്‍ത്ഥിയായ കെ.എന്‍.എ ഖാദര്‍ ജയിക്കണമെന്നും അദ്ദേഹം പറഞ്ഞു.

ഒരു മാധ്യമത്തിലെ തിരഞ്ഞെടുപ്പ് അധിഷ്ഠിത പരിപാടിയിലായിരുന്നു പ്രതികരണം. നോട്ടയ്ക്കല്ലെങ്കില്‍ ആര്‍ക്ക് നല്‍കണം എന്ന ചോദ്യം വന്നപ്പോഴാണ് അത് യു.ഡി.എഫ് സ്ഥാനാര്‍ത്ഥിക്ക് നല്‍കണമെന്ന് അദ്ദേഹം പറഞ്ഞത്. അതേസമയം കഴക്കൂട്ടത്ത് ശോഭാ സുരേന്ദ്രനും നേമത്ത് കുമ്മനം രാജശേഖരനും ഇ ശ്രീധരനും വിജയിക്കുമെന്നും സുരേഷ് ഗോപി പറഞ്ഞു.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker