KeralaNEWS

തൃശൂര്‍ പൂരവും പൂര പ്രദര്‍ശനവും ആചാര പെരുമയോടെ നടത്തണമെന്നാവശ്യപ്പെട്ട് പത്മജയുടെ നേതൃത്വത്തില്‍ സത്യാഗ്രഹ സമരം

ആഗോള പ്രശസ്തി നേടിയ തൃശൂർ പൂരവും പൂര പ്രദർശനവും ആചാര പെരുമയോടെ സുഗമമായി നടത്തണം എന്നാവശ്യപ്പെട്ട് കെ.പി.സി.സി വൈസ് പ്രസിഡൻ്റും യു.ഡി.എഫ് സ്ഥാനാർത്ഥിയുമായ പത്മജ വേണുഗോപാലിന്റെ നേതൃത്വത്തിൽ സത്യാഗ്രഹ സമരം. പൂരവും പുര പ്രദർശനവും പരമ്പരാഗതമായ രീതിയിൽ നടത്തുന്നതിനുതടസം സൃഷ്ടിക്കുന്ന സർക്കാർ നിലപാടിനെതിരെയാണ് തൃശൂരിലെ പൂര പ്രേമികളുടെ പിന്തുണയോടെ സത്യാഗ്രഹ സമരം നടത്തുന്നത്.

നേരത്തെ പൂരവും പൂര പ്രദർശനവും ഒരു തടസ്സവും കൂടാതെ നടക്കും എന്നു ഉറപ്പു നൽകിയ ജില്ലാ കളക്ടർ എക്സിബിഷന്റെ പണികൾ 90 ശതമാനവും പൂർത്തിയായ സമയത്ത്, 200 പേരെ മാത്രമെ ഒരു ദിവസം ഓൺലൈനായി പ്രവേശിപ്പിക്കുകയുള്ളു എന്ന് ദേവസ്വം പ്രതിനിധികളെ അറിയിച്ചു. അതിനു പിന്നാലെയാണ് പൂരം സുഗമമായി നടത്തുവാൻ സർക്കാർ സമ്മതം നൽകണം എന്ന് ആവശ്യപ്പെട്ട് സത്യാഗ്രഹ സമരം സംഘടിപ്പിച്ചത്.

അതേ സമയം തൃ​ശൂ​ർ പൂ​രം മു​ട​ങ്ങി​ല്ലെ​ന്ന് മ​ന്ത്രി വി.​എ​സ്. സു​നി​ൽകു​മാ​ർ അസന്നിഗ്ദ്ധമായി അറിയിച്ചു. സ​ർ​ക്കാ​ർ തീ​രു​മാ​നം അ​ട്ടി​മ​റി​ക്കാ​ൻ ഉ​ദ്യോ​ഗ​സ്ഥ​രെ അ​നു​വ​ദി​ക്കി​ല്ലെ​ന്നും പൂ​രം എ​ക്സി​ബി​ഷ​ൻ നി​യ​ന്ത്ര​ങ്ങ​ളോ​ടെ ന​ട​ക്കു​മെ​ന്നും അ​ദ്ദേ​ഹം പ​റ​ഞ്ഞു.സം​ഘാ​ട​ക​ർ ന​ൽ​കി​യ നി​ർ​ദ്ദേ​ശ​ങ്ങ​ൾ ചീ​ഫ് സെ​ക്ര​ട്ട​റി അം​ഗീ​ക​രി​ച്ചി​ട്ടു​ണ്ട്. എ​ക്സി​ബി​ഷ​ന് 200 പേ​ർ​ക്കെ അ​നു​മ​തി ന​ൽ​കൂ​വെ​ന്ന തീ​രു​മാ​നം അ​നു​വ​ദി​ക്കി​ല്ലെ​ന്നും സുനിൽകുമാർ കൂ​ട്ടി​ച്ചേ​ർ​ത്തു.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker