നെടുമ്പാശേരിയില്‍ ഒരുകിലോഗ്രാം കഞ്ചാവ് കടത്തിയ യുവതി പിടിയില്‍. രാവിലെ എയര്‍ ഇന്ത്യ എക്‌സ്പ്രസ് വിമാനത്തില്‍ ബഹ്റൈനിലേക്ക് പോകാനെത്തിയ 25 വയസുള്ള തൃശൂര്‍ സ്വദേശിനിയാണ് പിടിയിലായത്.
യുവതിയുടെ അടിവസ്ത്രങ്ങള്‍ക്കുള്ളില്‍ ചെറിയ പാക്കറ്റുകളിലായി ഒളിപ്പിച്ചിരുന്ന കഞ്ചാവ് വിമാനത്താവളത്തില്‍ വെച്ച് ദേഹപരിശോധനകള്‍ക്കിടെ സിഐഎസ്എഫ് ഉദ്യോഗസ്ഥര്‍ കണ്ടെത്തുകയായിരുന്നു. യുവതിയെയും കഞ്ചാവും നെടുമ്പാശേരി പൊലീസിനു കൈമാറി.
