LIFEMovie

രാജ്യത്തിനൊപ്പം നിൽക്കണം, കോവിഡ് വാക്സിൻ രാജ്യത്തിനഭിമാനം..! പ്രൊഡ്യൂസർ കെ.റ്റി.കുഞ്ഞുമോൻ

പ്രശസ്ത സിനിമാ നിർമ്മാതാവ് കെ.റ്റി.കുഞ്ഞുമോൻ കോവിഡ് വാക്സിനേഷൻ സ്വീകരിച്ചു. പ്രശസ്ത ഹൃദ്ര് രോഗ ശാസ്ത്രക്രിയാ വിദഗ്ധൻ പത്മശ്രീ ഡോ. കെ. എം. ചെറിയാൻ, ഡോ. സഞ്ജയ് ചെറിയാൻ എന്നിവരുടെ സാന്നിധ്യത്തിലാണ് അദ്ദേഹം വാക്സിൻ കുത്തി വെയ്പ്പ് നടത്തിയത്. വാക്സിൻ എടുത്ത ശേഷം അദ്ദേഹം ഇങ്ങനെ പ്രതികരിച്ചു.

” ലോകത്തെമ്പാടും ലക്ഷക്കണക്കിന് പേരുടെ ജീവൻ കവർന്നു കൊണ്ട് ഭീതി പരത്തി കാട്ടു തീ പോലെ പടർന്ന കൊറോണ നമ്മുടെ രാഷ്ട്രത്തെയും വിറപ്പിച്ചു. എന്നാൽ ഭാഗ്യവശാൽ നമ്മുടെ രാജ്യത്ത് വലിയ ജീവഹാനികൾ ഉണ്ടായില്ല. ഈ മഹാ മാരിയെ പ്രതിരോധിക്കാൻ രാഷ്ട്രം കൈ കൊണ്ട മുൻ കരുതലുകളാണ് അതിന് കാരണം. നമ്മുടെ ബഹുമാനപ്പെട്ട പ്രധാന മന്ത്രി ശ്രീ. നരേന്ദ്ര മോഡി ഏറ്റവും വേഗതയിൽ ഇതിനെ പ്രതിരോധിക്കുവാനുള്ള വാക്സിൻ കണ്ടു പിടിക്കാനുള്ള പ്രോത്സാഹനവും പിന്തുണയും സഹായവും നൽകി.

ഇന്ത്യ ആ കാര്യത്തിൽ വിജയിച്ച് ലോക രാഷ്ട്രങ്ങൾക്ക് തന്നെ മാതൃകയായി. ഇക്കാര്യം ലോക ആരോഗ്യ സംഘടന തന്നെ അംഗീകരിക്കയും ചെയ്തു. മാത്രവുമല്ല അവികസിത രാജ്യങ്ങളിലേക്കും ഇന്ത്യ വാക്സിൻ നൽകി കൊണ്ടിരിക്കുന്നു. അതും മറ്റു ലോക രാഷ്ട്രങ്ങൾക്ക് മാതൃകയാണ്. വാക്സിൻ കണ്ടു പിടിക്കാനുള്ള പ്രോത്സാഹനം നൽകിയ പ്രധാനമന്ത്രിക്കും , വാക്സിൻ കടുപിടിക്കുന്നതിനായി അവിശ്രമം പ്രയത്നിച്ച ശാസ്ത്രജ്ഞർക്കും നന്ദി രേഖപ്പെടുത്തുന്നു. എല്ലാവരും കോവിഡ് പ്രതിരോധ വാക്സിൻ കുത്തി വെയ്പ്പ് നടത്തി രാജ്യത്തിനൊപ്പം നിന്ന് ഈ മഹാമാരിയെ ചെറുക്കണം എന്ന് എല്ലാവരോടും അഭ്യർത്ഥിക്കുന്നു…”

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker