Uncategorized

കെ. സുരേന്ദ്രൻ മഞ്ചേശ്വരത്ത് ഹെലികോപ്റ്ററില്‍ പറന്നിറങ്ങി… ബി.ജെ.പി പ്രസിഡൻ്റിൻ്റെ മാസ് എന്‍ട്രി…

കാസർകോഡ്: മഞ്ചേശ്വരത്ത് ഒരിക്കല്‍കൂടി അങ്കത്തിനിറങ്ങുമെന്ന് ഏതാണ്ടുറപ്പിച്ച ബി.ജെ.പി സംസ്ഥാന പ്രസിഡണ്ട് കെ. സുരേന്ദ്രന്‍ ഇന്ന് രാവിലെ ബംഗളൂരുവില്‍ നിന്ന് ഹെലികോപ്റ്ററില്‍ പൈവളിഗെയില്‍ പറന്നിറങ്ങി.

ജോഡ്ക്കലില്‍ മഞ്ചേശ്വരം മണ്ഡലം ബി.ജെ.പി തിരഞ്ഞെടുപ്പ് കമ്മിറ്റി ഓഫീസ് ഉദ്ഘാടനം ചെയ്യാനാണ് സുരേന്ദ്രന്‍ എത്തിയത്. പി.ബി അബ്ദുല്‍റസാഖിനോട്2016ല്‍ 89 വോട്ടിനു തോറ്റ, സുരേന്ദ്രന്‍ തന്നെയായിരിക്കും മഞ്ചേശ്വരത്ത് ഇത്തവണയും ബി.ജെ.പി സ്ഥാനാര്‍ത്ഥിയെന്ന് ഏതാണ്ടുറപ്പായിട്ടുണ്ട്. എന്നാല്‍ സ്ഥാനാര്‍ത്ഥി പ്രഖ്യാപനം വന്നിട്ടില്ല. സ്ഥാനാര്‍ത്ഥി നിര്‍ണ്ണയ ചര്‍ച്ചയുമായി ബന്ധപ്പെട്ട് ഡല്‍ഹിയിലായിരുന്ന സുരേന്ദ്രന്‍ അവിടെ നിന്ന് വിമാന മാര്‍ഗം ബംഗളൂരുവിലേക്കും ബംഗളൂരുവില്‍ നിന്ന് ഹെലികോപ്റ്ററില്‍ പൈവളിഗെ സ്‌കൂള്‍ ഗ്രൗണ്ടിലും പറന്നിറങ്ങുകയായിരുന്നു.

കേരളത്തിന്റെ തിരഞ്ഞെടുപ്പ് പ്രവര്‍ത്തനങ്ങള്‍ക്ക് നേതൃത്വം നല്‍കുന്ന കാര്‍ക്കളെ എം.എല്‍.എ സുനില്‍ കുമാറും ഒപ്പമുണ്ടായിരുന്നു. പൈവളിഗെ സ്‌കൂള്‍ പരിസരത്തും ജോഡ്ക്കല്ലിലും കെ.സുരേന്ദ്രന് ആവേശകരമായ വരവേല്‍പ്പാണ് പ്രവര്‍ത്തകര്‍ നല്‍കിയത്. സുരേന്ദ്രന്റെ മാസ് എന്‍ട്രി പ്രവര്‍ത്തകരില്‍ വലിയ ആവേശം ഉണ്ടാക്കിയിട്ടുണ്ട്.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker