KeralaNEWS

തെരഞ്ഞെടുപ്പില്‍ മത്സരിക്കാന്‍ മുല്ലപ്പളളി

നിയമസഭ തെരഞ്ഞെടുപ്പ് അടുത്തിരിക്കെ കോണ്‍ഗ്രസിന്റെ സ്ഥാനാര്‍ത്ഥി നിര്‍ണയ ചര്‍ച്ചകള്‍ക്ക്‌ ഇന്ന് ഡല്‍ഹിയില്‍ തുടക്കമാവുകയാണ്. വൈകിട്ട് ആറുമണിക്ക് സ്‌ക്രീനിങ് കമ്മിറ്റി യോഗം ചേരും. ഇതിനിടെ ഇപ്പോഴിതാ കെപിസിസി അധ്യക്ഷന്‍ മുല്ലപ്പളളി രാമചന്ദ്രന്റെ സ്ഥാനാര്‍ത്ഥിത്വവുമായി ബന്ധപ്പെട്ട സൂചനകള്‍ പുറത്ത് വന്നിരിക്കുന്നു.മുല്ലപ്പളളി കണ്ണൂരില്‍ നിന്ന് മത്സരിച്ചേക്കുമെന്നും മുല്ലപ്പളളി മത്സരിച്ചാല്‍ കെ. സുധാകരന്‍ കെ.പി.സി.സി അധ്യക്ഷനാകുമെന്നുമാണ് പുറത്ത് വരുന്ന വിവരം.

അതേസമയം, പാര്‍ട്ടി അധ്യക്ഷസ്ഥാനം ഒഴിയാതെ മത്സരിക്കാനുളള ശ്രമമാണ് മുല്ലപ്പളളയുടേത്. ഇന്നും ഇതു സംബന്ധിച്ച ചര്‍ച്ചകള്‍ നടത്താനാണ് സാധ്യത. നാളെ ചേരുന്ന തെരഞ്ഞെടുപ്പ് കമ്മിറ്റി യോഗത്തിലും ഈ വിഷയം ചര്‍ച്ചയാവും. ഹൈക്കമാന്റ് നേതാക്കളുമായും ചര്‍ച്ച നടത്തും. ഇക്കാര്യങ്ങളില്‍ ഔദ്യോഗിക തീരുമാനം ചൊവ്വാഴ്ച ഉണ്ടാകും.

കോണ്‍ഗ്രസിലെ 21 സിറ്റിങ് എംഎല്‍എമാരില്‍ 20 പേരും മത്സരിക്കുമെന്നാണ് പുറത്ത് വരുന്ന വിവരം. നിലവില്‍ കെ.സി ജോസഫ് മത്സരിക്കുന്ന കാര്യത്തില്‍ അവ്യക്തത നിലനില്‍ക്കുന്നുണ്ട്. ഇരിക്കൂരില്‍ നിന്ന് മാറാനും ചങ്ങനാശ്ശേരി ഉള്‍പ്പെടെയുളള മണ്ഡലങ്ങളില്‍ മത്സരിക്കാനുളള താല്‍പ്പര്യവുമാണ് കെ.സി ജോസഫ് പ്രകടിപ്പിക്കുന്നത്. എന്നാല്‍ യുവാക്കള്‍ക്ക് വേണ്ടി കെ.സി ജോസഫ് മാറി കൊടുക്കണമെന്ന് ആവശ്യപ്പെട്ട് യൂത്ത് കോണ്‍ഗ്രസ് ഹൈക്കമാന്‍ഡിന് പരാതി നല്‍കി. ഈ ശക്തമായ സമ്മര്‍ദ്ദമാണ് ഇപ്പോള്‍ ഹൈക്കമാന്‍ഡിന് മുന്നിലുളളത്. എന്തുതന്നെയായാലും ഈക്കാര്യത്തില്‍ നിര്‍ണായക തീരുമാനം കൈക്കൊളളുക കേന്ദ്ര തെരഞ്ഞെടുപ്പ് സമിതിയായിരിക്കും.

അതേസമയം, നിലവില്‍ ഓരോ മണ്ഡലത്തില്‍ നിന്നും രണ്ട് മുതല്‍ അഞ്ച് വരെയുളള ആളുകളുടെ പേരാണ് സ്ഥാനാര്‍ത്ഥി പട്ടികയിലുളളത്. ഇത് രണ്ടായി ചുരുക്കണമെന്നാണ് ഹൈക്കമാന്‍ഡിന്റെ നിര്‍ദേശം. എച്ച്.കെ പാട്ടില്‍ അധ്യക്ഷനാകുന്ന സ്‌കീനിങ് സമിതിയോഗത്തില്‍വെച്ച് ചുരുക്കപട്ടികയുടെ കാര്യത്തില്‍ അന്തിമധാരണയിലെത്തുമെന്നാണ് വിവരം. ചൊവ്വാഴ്ചയാണ് കേന്ദ്ര തെരഞ്ഞെടുപ്പ് സമിതിയുടെ യോഗം. സോണിയ ഗാന്ധിയുടെ അനാരോഗ്യത്തെ തുടര്‍ന്ന് യോഗത്തില്‍ രാഹുല്‍ ഗാന്ധിയാവും പങ്കെടുക്കുക.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker