TechTRENDING

ജോസ് പത്തിൽ തോറ്റു,എന്നാൽ എന്താ ഇന്ന് ഡിവൈഎസ്പി ഡോക്ടർ ജോസ് ആണ്

പേര് ഇംഗ്ലീഷിൽ എഴുതാൻ അറിയാത്ത പത്താം ക്ലാസുകാരൻ ആയിരുന്നു ജോസ്

വെള്ളറട ഈശ്വര വിലാസം മെമ്മോറിയൽ സ്കൂളിലെ 1985ലെ എസ്എസ്എൽസി ബാച്ചിൽ ആകെ 60 പേരാണ് ഉണ്ടായിരുന്നത്. പത്താംതരം ഫലം വന്നു . 59 പേർ വിജയിച്ചു. കരാർ പണി ചെയ്യുന്ന രാജയ്യന്റെ മകൻ ജോസ് മാത്രം തോറ്റു.

പത്തിൽ തോറ്റതോടെ ജോസ് പഠിപ്പു നിർത്തി. എന്നാൽ ഒരു കുടുംബ സുഹൃത്ത് പാരലൽ കോളേജിൽ ചേരാൻ നിർബന്ധിച്ചു. കൂലിപ്പണിയും പഠനവും സമാന്തരമായി നടന്നു. പത്തിൽ തോറ്റ ജോസ് എന്ന പേര് ജോസങ്ങ് മായിച്ചു.

എസ്എസ്എൽസി പാസായതോടെ ജോസാകെ മാറി. പിന്നെ പഠിപ്പോട് പഠിപ്പ്. പൊളിറ്റിക്സിൽ ബിരുദത്തിനും ബിരുദാനന്തര ബിരുദത്തിനും ഒന്നാം റാങ്ക്. എസ് ഐ ആയി പോലീസിൽ കയറി. പിന്നീട് ചെങ്ങന്നൂർ ഡിവൈഎസ്പി. ഇപ്പോൾ ജോസിന് മുമ്പിൽ ബഹുമാനസൂചകമായി ഒരു വാക്ക് കൂടിയുണ്ട് “ഡോക്ടർ”.

ലൈബ്രറി സയൻസിൽ ബിരുദവും എം ഫില്ലും ഉള്ള ജോസ് ഗ്രാമവികസന വകുപ്പിൽ ക്ലാർക്കായി ജോലി ചെയ്തു. കേരള സർവകലാശാലയിൽ ലൈബ്രേറിയനായി. 2003 ൽ നാദാപുരം എസ് ഐ ആയി പോലീസിൽ കയറി . സർക്കാർ കോളേജിൽ അദ്ധ്യാപകനായി ജോലി കിട്ടിയെങ്കിലും പൊലീസായി ജോസ് തുടർന്നു.

കേരള സർവകലാശാലയിൽ നിന്നാണ് ഡോക്ടറേറ്റ്. എന്നാൽ പഠിപ്പിനിടെ തൊഴിലിൽ ഉഴപ്പിയില്ല. മുഖ്യമന്ത്രിയുടെ പോലീസ് മെഡൽ സംസ്ഥാന പോലീസ് മേധാവിയുടെ പ്രത്യേക അംഗീകാരം, 150ൽ പരം ഗുഡ്സർവീസ് എൻട്രി എന്നിവ തന്നെയാണ് ഉദാഹരണം.

പേര് ഇംഗ്ലീഷിൽ എഴുതാൻ അറിയാത്ത പത്താം ക്ലാസുകാരൻ ആയിരുന്നു ജോസ്. ഇന്നിപ്പോൾ ഇന്ത്യയിലെ അക്കാദമിക് ജേണലുകളിൽ ജോസിന്റെ നിരവധി ലേഖനങ്ങൾ വന്നു കഴിഞ്ഞു. ജോസിന് താങ്ങായും തണലായും കോന്നി ഗവൺമെന്റ് എച്ച്എസ്എസ് അധ്യാപിക ഷൈനി ഭാര്യയായി ഉണ്ട്. മകൾ അനഘ എംബിബിഎസിന് പഠിക്കുന്നു. രണ്ടാമത്തെ മകൾ മീനാക്ഷി ആകട്ടെ പത്താം ക്ലാസിലാണ്.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker