KeralaNEWS

സീറ്റ് വിഭജനത്തിൽ ഇടതുമുന്നണിയിൽ ജോസിന് നേട്ടം

ചങ്ങനാശ്ശേരി കേരള കോൺഗ്രസ് എം വിട്ടുകൊടുക്കും

സീറ്റ് വിഭജനത്തിൽ ഇടതുമുന്നണിയിൽ നേട്ടം കൊയ്ത് ജോസ് കെ മാണി. മുന്നണിയിൽ 12 സീറ്റിൽ ആണ് കേരള കോൺഗ്രസ് എം മത്സരിക്കുക. ഇത്തവണ കൂടുതൽ ജില്ലകളിൽ മത്സരിക്കാൻ കേരള കോൺഗ്രസ് എമ്മിന് അവസരം ലഭിച്ചിട്ടുണ്ട് താനും.

പാലാ,കാഞ്ഞിരപ്പള്ളി, കടുത്തുരുത്തി, പൂഞ്ഞാർ,ഇടുക്കി, തൊടുപുഴ,ചാലക്കുടി, കുറ്റ്യാടി,റാന്നി, ഇരിക്കൂർ എന്നീ സീറ്റുകൾ ജോസ് കെ മാണി ഉറപ്പിച്ചു. ഇതിനുപിന്നാലെ പെരുമ്പാവൂരിലും പിറവത്തും ജോസ് കെ മാണി പക്ഷം മത്സരിക്കും. ചങ്ങനാശ്ശേരി കേരള കോൺഗ്രസ് എം വിട്ടുകൊടുക്കും.

സീറ്റ് വിഭജന ചർച്ചയിൽ ചങ്ങനാശ്ശേരി ആയിരുന്നു ഉടക്ക്. ചങ്ങനാശ്ശേരി നൽകിയില്ലെങ്കിൽ കാഞ്ഞിരപ്പള്ളി നൽകില്ലെന്ന് സിപിഐ നിലപാടെടുത്തു . അങ്ങനെയാണ് എറണാകുളം ജില്ലയിലെ സീറ്റുകൾ നൽകി വിട്ടുവീഴ്ച ഉണ്ടാക്കിയത്.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker