SportsTRENDING

വിജയ് ഹസാരെ ട്രോഫിയിൽ മിന്നിയ 5 പ്രകടനക്കാർ, അതിൽ രണ്ടു പേർ മലയാളികൾ

ടൂർണ്ണമെന്റിൽ നന്നായി പ്രകടനം പുറത്തെടുത്താൽ ഭാവിയിലേക്ക് വഴിതുറന്നു എന്നർത്ഥം

പുതുമുഖ താരങ്ങൾക്കും യുവതാരങ്ങൾക്കും ഐപിഎല്ലിലേയ്ക്കും ദേശീയ ടീമിലേക്കുമുള്ള വഴിയാണ് വിജയ് ഹസാരെ ട്രോഫി. ഈ ടൂർണ്ണമെന്റിൽ നന്നായി പ്രകടനം പുറത്തെടുത്താൽ ഭാവിയിലേക്ക് വഴിതുറന്നു എന്നർത്ഥം. ഇത്തവണ വിജയ് ഹസാരെ ട്രോഫിയിലെ ഇതുവരെയുള്ള കളിയിൽ തിളങ്ങിയ അഞ്ച് പേർ ഇവരാണ്.

1.ദേവ്ദത്ത് പടിക്കൽ

കർണാടകയ്ക്കു വേണ്ടി കളിക്കുന്ന മലയാളിതാരം. അഞ്ചു മാച്ചുകളിൽ നിന്നായി 572 റൺസ്. 3 സെഞ്ചുറിയും രണ്ട് അർദ്ധസെഞ്ച്വറിയും.ഇംഗ്ലണ്ടിനെതിരായ ഏകദിന പരമ്പരയിൽ ദേവ്ദത്ത് പടിക്കലിനെ അവഗണിക്കുന്നത് എങ്ങനെ?

2. പ്രഥ്വി ഷാ

ദേശീയ ടീമിൽ നിന്ന് പുറത്താകുക എന്ന് പറഞ്ഞാൽ തന്നെ ഒരു കളിക്കാരന്റെ ആത്മധൈര്യം ചോരും. എന്നാൽ പ്രഥ്വി ഷാ വേറൊരു ലെവൽ കളിക്കാരനാണ്. അഞ്ചു മാച്ചുകളിൽ നിന്ന് 404 റൺസാണ് പ്രഥ്വി ഷായുടെ സമ്പാദ്യം. ഇതിൽ രണ്ട് സെഞ്ചുറിയും ഉൾപ്പെടും.

3. എസ് ശ്രീശാന്ത്

ഏഴുവർഷം പുറത്ത് ഇരിക്കുക, അതിനുശേഷം വന്ന് മികച്ച പ്രകടനം പുറത്തെടുക്കുക. മലയാളി താരം ശ്രീശാന്തിനെ അഭിനന്ദിക്കാതെ വയ്യ. അഞ്ചു മാച്ചുകളിൽ നിന്നായി ശ്രീശാന്ത് 13 വിക്കറ്റ് നേടി. ഇതിൽ ഒരു 5 വിക്കറ്റ് വേട്ടയും ഉൾപ്പെടുന്നു. ഐ പി എല്ലും കൈവിട്ട ശ്രീശാന്തിന് പ്രകടനം തുണയാകുമോ?

4. ഋഷി ധവാൻ

ഏകദിനത്തിലും ട്വന്റി 20 കളിലും ഇന്ത്യയെ പ്രതിനിധീകരിച്ചിട്ടുണ്ട് എങ്കിലും ഋഷി ധവാൻ അധികം ശ്രദ്ധിക്കപ്പെട്ടില്ല. ഈ ടൂർണ്ണമെന്റിൽ 16 വിക്കറ്റാണ് ഋഷി ധവാന്റെ സമ്പാദ്യം. ഇതിൽ ഒരു അഞ്ചു വിക്കറ്റ് നേട്ടവും രണ്ട് നാലു വിക്കറ്റ് നേട്ടവും ഉൾപ്പെടുന്നു.

5. കൃനാൽ പാണ്ട്യ

ഈ വർഷം യഥാർത്ഥത്തിൽ കൃനാൽ പാണ്ട്യയുടേതാണ്. മികച്ച പ്രകടനങ്ങളിലൂടെ ഇന്ത്യൻ ഏകദിന ടീമിന്റെ വാതിൽ മുട്ടുകയാണ് ഈ കളിക്കാരൻ. ഈ ടൂർണ്ണമെന്റിൽ രണ്ട് സെഞ്ച്വറികളും 2 അർദ്ധസെഞ്ച്വറികളും നേടി കഴിഞ്ഞു. മൊത്തം 388 റൺസാണ് സമ്പാദ്യം. ഒപ്പം അഞ്ച് വിക്കറ്റുകളും.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker