LIFEMovie

“വീ “മിസ്റ്ററി സസ്പെൻസ് ത്രില്ലർ കേരളത്തിൽ

സുന്ദരമായ മൂന്ന് ഗാനങ്ങളും, ഫൈറ്റും, ചെയിസും ഒക്കെ ആയി ഒരു കൊമേർസ്യൽ തമിഴ് സിനിമക്ക് വേണ്ട എല്ലാ ചേരുവകളും ചിത്രത്തിൽ ഉൾപ്പെടുത്തിയിട്ടുണ്ട്

വീക്കെൻ്റ് അടിച്ച് പൊളിക്കാനായി ബാംഗ്ലൂരിൽ നിന്ന് പുറപ്പെടുന്ന യുവതി യുവാക്കളുടെ കഥ പറയുകയാണ് വീ എന്ന തമിഴ് ചിത്രം. ട്രൂ സോൾ പിക്ചേഴ്സിന്റെ ബാനറിൽ രൂപേഷ് കുമാർ നിർമ്മിക്കുന്ന ഈ ചിത്രം തമിഴിലെ പ്രശസ്ത സംവിധായകൻ ഡാവിഞ്ചി ശരവണൻ രചന, സംവിധാനം നിർവ്വഹിക്കുന്നു. തമിഴ് നാട്ടിൽ 160 ഓളം കേന്ദ്രങ്ങളിൽ റിലീസ് ചെയ്ത് മികച്ച പ്രദർശന വിജയം നേടിയ”വീ ” എന്ന തമിഴ് ചിത്രം കേരളത്തിലും മികച്ച അഭിപ്രായം നേടിയിരിക്കുന്നു.

വീക്കെന്റ് അടിച്ച് പൊളിക്കുന്നതിനായി 5 ആൺകുട്ടികളും 5 പെൺകുട്ടികളും അടങ്ങുന്ന ഒരു സംഘം ബാംഗ്ലൂരിൽ നിന്നും യാത്ര പുറപ്പെടുന്നു. പ്രണയവും തമാശകളും ഒക്കെ ആയി യാത്ര തുടരുന്നതിനിടയിൽ അതിലൊരാൾ പുതിയതായി വന്ന ഒരു ‘ആപ്പി ‘ നെ കുറിച്ച് പറയുന്നു.ജനന തീയതി നൽകിയാൽ മരണ തീയതി അറിയാൻ കഴിയും എന്നതായിരുന്നു ആപ്പിന്റെ പ്രത്യേകത. ഇത് സത്യമാണോ എന്നറിയാൻ അവർ മരിച്ചു പോയ ചിലരുടെ ജനന തീയതി നൽകി പരിശോധിക്കുന്നു.

ആപ്പിന്റെ പ്രവർത്തനത്തിൽ കൗതുകം തോന്നിയ അവർ കൂടെയുള്ള പത്ത് പേരുടെയും ജനന തീയതി നൽകിയപ്പോൾ വന്ന അവരുടെ മരണ തീയതി അവർ യാത്ര ചെയ്യുന്ന അതേ ദിവസത്തെ തന്നെ തീയതി ആയിരുന്നു.എല്ലാവരിലും ഒരു ഞെട്ടൽ പടർന്നെങ്കിലും, അവർ കാടിന് ഉള്ളിലുള്ള ഒരു റിസോർട്ടിൽ എത്തപെടുന്നു.

തുടർന്ന് പകലും രാത്രിയുമായി ഉദ്വേഗജനകവും ഭയപ്പെടുത്തുന്നതും ആയ അവസ്ഥകളിലൂടെ മുന്നോട്ട് പോകേണ്ടി വരുന്ന ആ സംഘത്തിന്, തുടർന്ന് നേരിടേണ്ടി വരുന്ന പ്രശ്നങ്ങൾ ഭീകരമായിരുന്നു. ‘ വീ ‘ എന്ന തമിഴ് സിനിമ ഈ വ്യത്യസ്തമായ കഥ അവതരിപ്പിക്കുകയാണ്.

സുന്ദരമായ മൂന്ന് ഗാനങ്ങളും, ഫൈറ്റും, ചെയിസും ഒക്കെ ആയി ഒരു കൊമേർസ്യൽ തമിഴ് സിനിമക്ക് വേണ്ട എല്ലാ ചേരുവകളും ചിത്രത്തിൽ ഉൾപ്പെടുത്തിയിട്ടുണ്ട്. പ്രേക്ഷകരെ മുൾ മുനയിൽ നിർത്തുന്ന ഒരു മിസ്റ്ററി സസ്പെൻസ് ത്രില്ലർ ആണ് ‘വീ ‘.

ധാരപുരം, കൊച്ചി, അട്ടപ്പാടി, എന്നീ ലൊക്കേഷനുകളിലായി, സംവിധായകൻ ഡാവിഞ്ചി ശരവണനും ഛായാഗ്രാഹകൻ അനിൽ. കെ. ചാമിയും അടങ്ങുന്ന സംഘം സാഹസികമായും സാങ്കേതിക തികവോടെയും ആണ് “വീ” ചിത്രീകരിച്ചിരിക്കുന്നത്.

പ്രമേയത്തിലെ പുതുമ കണ്ടാണ് ചിത്രം നിർമിക്കാൻ തയ്യാറായതെന്ന് ട്രൂ സോൾ പിക്ചേഴ് സിന്റെ ഉടമ രൂപേഷ് കുമാർ പറയുന്നു.എയ്റോനോട്ടിക്കൽ എഞ്ചിനീയർ ആയ രൂപേഷ് കുമാർ” വീ “എന്ന ചിത്രത്തിന് ശേഷം, വ്യത്യസ്തമായ ചിത്രങ്ങൾ നിർമ്മിക്കാനുള്ള ശ്രമങ്ങളിലാണ് . പാലക്കാട്‌, കൊല്ലങ്കോട് സ്വദേശിയായ രൂപേഷ്, നല്ല ചിത്രങ്ങളുടെ നിർമ്മാണത്തിന് വേണ്ടി നല്ലൊരു ടീമിനെയും വാർത്തെടുത്തിരിക്കുന്നു.

രൂപേഷ് കുമാറിൻ്റെ, ട്രൂസോൾ പിക്ചേഴ്സ് തന്നെയാണ് വീ തമിഴ്നാട്ടിൽ റിലീസ് ചെയ്തത്.നിരവധി തമിഴ്, തെലുങ്ക് ചിത്രങ്ങളിൽ അസോസിയേറ്റ് ആയി പ്രവർത്തിച്ച ഡാവിഞ്ചി ശരവണൻ ആണ് ‘ വീ ‘ യുടെ രചനയും സംവിധാനവും നിർവഹിച്ചിരിക്കുന്നത്. ഛായാഗ്രഹണം – അനിൽ. കെ. ചാമി, സംഗീതം – ഇളങ്കോ കലൈവാണൻ, എഡിറ്റിംഗ് – V. T. ശ്രീജിത്ത്‌, മാർക്കറ്റിംഗ് ഡിസൈനർ – M. R. A.രാജ്,P. R. O – അയ്മനം സാജൻ.വിതരണം – ട്രൂ സോൾ പിക്ച്ചേഴ്‌സ്.

രാഘവ്, ലതിയ, സബിത ആനന്ദ്, RNR മനോഹർ, റിഷി, അശ്വനി, നിമ, സത്യദാസ്, ഫിജിയ,റിനീഷ്, ദിവ്യൻ, ദേവസൂര്യ തുടങ്ങിയവർ പ്രധാന വേഷങ്ങളിൽ എത്തുന്നു.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker