SportsTRENDING

ശ്രീശാന്തിന്റെ ബോളിംഗ് കരുത്ത്, ബാറ്റ്സ്മാൻമാരുടെ ഉജ്ജ്വല പ്രകടനം, വിജയ് ഹസാരെ ട്രോഫിയിൽ കേരളത്തിന് മിന്നും ജയം

നാലു വിക്കറ്റ് വീഴ്ത്തിയ ശ്രീശാന്താണ് ബീഹാറിനെ വരിഞ്ഞുമുറുക്കിയത്

വിജയ് ഹസാരെ ട്രോഫിയിൽ കേരളത്തിന് മിന്നും ജയം. വിലക്കിന് ശേഷമുള്ള തിരിച്ചു വരവിലെ ശ്രീശാന്തിന്റെ തകർപ്പൻ പ്രകടനമാണ് മത്സരത്തിൽ കണ്ടത്. പിന്നാലെ ബാറ്റ്സ്മാൻമാർ മികച്ച പ്രകടനം നടത്തിയതോടെ ബിഹാറിനെ കേരളം തകർത്തു. 9 വിക്കറ്റിനാണ് കേരളത്തിന്റെ ജയം.

കേരളത്തിനായിരുന്നു ടോസ്. ആദ്യം ബാറ്റ് ചെയ്ത ബിഹാർ 40.2 ഓവറിൽ 148 റൺസെടുത്ത് എല്ലാവരും പുറത്തായി. ഒറ്റ വിക്കറ്റ് മാത്രം നഷ്ടമാക്കി കേരളം വിജയത്തിലെത്തി. 16 പോയിന്റുമായി എലീറ്റ് ഗ്രൂപ്പ് സിയിൽ ഇതോടെ കേരളം ഒന്നാം സ്ഥാനത്തെത്തി. നോക്കൗട്ട് സാധ്യത കേരളത്തിന് ഇപ്പോൾ സജീവമാണ്.

നാലു വിക്കറ്റ് വീഴ്ത്തിയ ശ്രീശാന്താണ് ബീഹാറിനെ വരിഞ്ഞുമുറുക്കിയത്. ഒമ്പത് ഓവറിൽ 30 റൺസ് മാത്രമാണ് ശ്രീശാന്ത് വഴങ്ങിയത്. രണ്ട് മെയ്ഡൻ ഓവറുകളും ശ്രീശാന്ത് എറിഞ്ഞു. ജലജ് സക്സേന 30 റൺസ് മാത്രം വഴങ്ങി മൂന്നു വിക്കറ്റെടുത്തു.

കേരളത്തിന്റെ ഓപ്പണർമാരായ റോബിൻ ഊത്തപ്പ,വിഷ്ണു വിനോദ് എന്നിവർ മികച്ച രീതിയിലാണ് തുടങ്ങിയത്. 29 പന്തിൽ നിന്ന് ഇവർ 76 റൺസ് അടിച്ചു കൂട്ടി. വിഷ്ണു വിനോദിനെ ബീഹാർ ക്യാപ്റ്റൻ അശുതോഷ് അമൻ വീഴ്ത്തിയതോടെ ആ കൂട്ടുകെട്ട് പൊളിഞ്ഞു. 12 പന്തിൽ നിന്ന് 37 റൺസെടുത്താണ് വിഷ്ണു മടങ്ങിയത്.

പിന്നീട് ഇറങ്ങിയത് സഞ്ജു സാംസൺ ആണ്. രണ്ടാം വിക്കറ്റിൽ റോബിൻ ഊത്തപ്പ- സഞ്ജു സാംസൺ സഖ്യം 29 പന്തിൽ നിന്ന് 73 റൺസ് അടിച്ചുകൂട്ടി. ഇതോടെ കേരളം വിജയ തീരത്തെത്തി. 87 റൺസാണ് റോബിൻ ഊത്തപ്പയുടെ സംഭാവന. സഞ്ജു 24 റൺസെടുത്തു.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker