മൂന്ന് പേരെ കൊന്നയാള്‍ ഒരാളുടെ ഹൃദയം കറിവെച്ച് മറ്റുളളവര്‍ക്ക് നല്‍കി. യുഎസിലെ ഒക്ലഹോമയിലാണ് ഞെട്ടിപ്പിക്കുന്ന സംഭവം അരങ്ങേറിയത്. കേസില്‍ പ്രതിയായ ലോറന്‍സ് പോള്‍ ആന്‍ഡേഴ്‌സനിനെ പോലീസ് അറസ്റ്റ് ചെയ്തു.
ഫെബ്രുവരി 9നായിരുന്നു കേസിനാസ്പദമായ സംഭവം. അയല്‍ക്കാരിയായ യുവതിയെ കുത്തിക്കൊലപ്പെടുത്തിയ ശേഷം ശരീരത്തില്‍ നിന്ന് ഹൃദയം പറിച്ചെടുത്ത് ബന്ധുവിന്റെ വീട്ടിലെത്തുകയും അവിടെ വെച്ച് ഹൃദയം ഉരുളക്കിഴങ്ങിട്ട് കറിവെച്ച് ബന്ധുവിനും ഭാര്യയ്ക്കും നല്‍കാന്‍ ശ്രമിക്കുകയുമായിരുന്നു. തുടര്‍ന്ന് ഇയാള്‍ ബന്ധുവിനേയും അവരുടെ നാല് വയസ്സുകാരി മകളേയും ക്രൂരമായി കൊലപ്പെടുത്തി. ബന്ധുവിന്റെ ഭാര്യയ്ക്ക് ഗുരുതരമായി പരിക്കേറ്റു.
പ്രതി ആന്‍ഡേഴ്‌സന്‍ ദീര്‍ഘകാലമായി ക്രിമിനല്‍ റെക്കോര്‍ഡ് ഉളളയാളാണ്. 2017ല്‍ ലഹരിക്കേസില്‍ ദീര്‍ഘനാളായി ശിക്ഷിക്കപ്പെട്ടെങ്കിലും ജയില്‍ മോചിതനായി ആഴ്ചകള്‍ കഴിഞ്ഞപ്പോഴാണ് ഈ കുറ്റകൃത്യം ചെയ്തത്.
