IndiaNEWS

സ്വവർഗ്ഗ വിവാഹത്തെ എതിർത്ത് കേന്ദ്രസർക്കാർ

സ്വവർഗ്ഗ വിവാഹത്തെ എതിർത്ത് ഡൽഹി ഹൈക്കോടതിയിൽ സത്യവാങ്മൂലം നൽകി കേന്ദ്രസർക്കാർ. ഹിന്ദുവിവാഹ നിയമത്തിന്റെ പിരിധിയില്‍ സ്വവര്‍ഗ വിവാഹത്തിന് അനുമതി തേടിക്കൊണ്ടുള്ള ഹര്‍ജിയില്‍ ഹൈക്കോടതിയുടെ നോട്ടീസിലാണ് കേന്ദ്ര സര്‍ക്കാര്‍ സത്യവാങ്മൂലം സമര്‍പ്പിച്ചത്.

സ്വവർഗ്ഗ വിവാഹം ഇന്ത്യൻ കുടുംബ അവസ്ഥയ്ക്ക് വിരുദ്ധമാണെന്ന് കേന്ദ്രസർക്കാർ വ്യക്തമാക്കി. പങ്കാളികളായി ഒരുമിച്ച് ജീവിക്കുന്നതും ഒരേ ലിംഗത്തിലുള്ള വ്യക്തിയുമായി ലൈംഗികബന്ധത്തിലേർപ്പെടുന്നതും ഭർത്താവ് ഭാര്യ കുട്ടികൾ എന്നിങ്ങനെയുള്ള ഇന്ത്യൻ കുടുംബ ആശയവുമായി താരതമ്യപ്പെടുത്താൻ ആവില്ലെന്നും കേന്ദ്രം വ്യക്തമാക്കുന്നു.

മാത്രമല്ല മൗലികാവകാശമായി സ്വവർഗ്ഗ വിവാഹത്തെ കാണാനാകില്ലെന്നും ഈ വിവാഹം രജിസ്റ്റർ ചെയ്യുന്നത് നിലവിലുള്ള വ്യക്തി നിയമവ്യവസ്ഥകൾ ലംഘിക്കുന്നതായും കേന്ദ്രം ചൂണ്ടികാണിക്കുന്നു. സ്വവർഗ്ഗ വിവാഹത്തിൽ ഒരാളെ ഭർത്താവെന്നും മറ്റൊരാളെ ഭാര്യ എന്നും വിളിക്കാൻ സാധിക്കില്ലെന്നും ഇത് നിരവധി നിയമപരമായ പ്രശ്നങ്ങൾക്ക് കാരണമാകുമെന്നും സർക്കാർ പറയുന്നു. ഹര്‍ജി കോടതി ഏപ്രിലില്‍ വീണ്ടും പരിഗണിക്കും.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker