KeralaNEWS

ഒരു കുടുംബത്തിലെ 4 പേര്‍ തീപ്പൊളളലേറ്റ സംഭവം; ഭാര്യയും മരിച്ചു, 14 വയസ്സുകാരന്‍ ഗുരുതരാവസ്ഥയില്‍

കോഴിക്കോട് ജില്ലയിലെ ചെക്യാട് ഒരു കുടുംബത്തിലെ നാലുപേരെ വീട്ടിനുള്ളില്‍ തീപ്പൊള്ളലേറ്റ സംഭവത്തില്‍ ഗൃഹനാഥനും മകനും മരിച്ചതിന് പിന്നാലെ ഭാര്യയും മരിച്ചു. രാജുവിന്റെ ഭാര്യ റീന (40)ആണ് മരിച്ചത്. അതേസമയം,14 വയസ്സുകാരന്‍ മകന്‍ സ്റ്റഫിന്‍ കോഴിക്കോട് മെഡിക്കല്‍ കോളേജില്‍ ഗുരുതരാവസ്ഥയില്‍ തുടരുകയാണ്. കായലോട്ട് താഴെ റേഷന്‍ കടയ്ക്ക് സമീപം കീറിയപറമ്പത്ത് രാജു (48) സ്റ്റാലിഷ് (17) എന്നിവര്‍ കഴിഞ്ഞ ദിവസങ്ങളിലായി മരിച്ചിരുന്നു.

ചൊവ്വാഴ്ച പുലര്‍ച്ചെ രണ്ടര മണിയോടെ വീട്ടില്‍ നിന്ന് തീയും അലര്‍ച്ചയും കേട്ട അയല്‍വാസികളാണ് ഇവരെ തീ പൊള്ളലേറ്റ നിലയില്‍ കണ്ടെത്തിയത്. വീടിന്റെ ഒരു മുറി പൂര്‍ണമായി കത്തിയ നിലയിലാണ്. പൊളളലേറ്റ നാലുപേരെയും ഉടന്‍ തന്നെ കണ്ണൂരിലെ ഒരു സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ഇന്നലെ ഗൃഹനാഥനും ഇന്ന് മകനും മരിക്കുകയായിരുന്നു. ബാക്കിയുളളവര്‍ കോഴിക്കോട് മെഡിക്കല്‍ കോളേജി ആശുപത്രിയില്‍ ചികിത്സയിലാണ്. എന്താണ് തീ പിടിക്കാന്‍ കാരണമെന്ന് അറിവായിട്ടില്ല.

കുടുംബവഴക്കാണ് സംഭവത്തിനു പിന്നിലെന്നാണ് പോലീസിന്റെ പ്രാഥമിക നിഗമനം. നാദാപുരം ഡിവൈ.എസ്.പി. പി.എ. ശിവദാസിന്റെ നേതൃത്വത്തില്‍ ഫൊറന്‍സിക്, വിരലടയാള വിദഗ്ധര്‍ സ്ഥലത്ത് പരിശോധന നടത്തി.

NewsThen More

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker