NEWS

ധാരണപത്രം നിയമവിരുദ്ധം, രമേശ് ചെന്നിത്തലയുടെ മുൻ പ്രൈവറ്റ് സെക്രട്ടറിയും കെ എസ് ഐ എൻ സി എംഡിയുമായ പ്രശാന്തിനെതിരെ അന്വേഷണം

ആഴക്കടൽ മത്സ്യബന്ധനത്തിന് ഉള്ള ട്രോളർ നിർമ്മിക്കാൻ ഇ എം സി സി എന്ന കമ്പനിയുമായി സംസ്ഥാന പൊതുമേഖലാ സ്ഥാപനം കെ എസ് ഐ എൻ സി ഒപ്പിട്ട ധാരണാപത്രം റദ്ദാക്കും. ധാരണാപത്രം നിയമവിരുദ്ധമാണെന്ന് കണ്ടെത്തിയതിനെ തുടർന്നാണ് നടപടി. ധാരണപത്രം സർക്കാർ നയത്തിന് എതിരാണെന്ന് അധികൃതർ നേരത്തെ വ്യക്തമാക്കിയിരുന്നു.

ധാരണാപത്രത്തിൽ ഒപ്പുവെക്കാൻ പ്രവർത്തിച്ച കെ എസ് ഐ എൻ സി എം ഡി എൻ പ്രശാന്ത് അടക്കമുള്ളവർക്കെതിരെ അന്വേഷണം ഉണ്ടാകും. മത്സ്യ- പൊതുഭരണ – നിയമവകുപ്പുകൾ അറിയാതെയാണ് ധാരണാപത്രം ഒപ്പിട്ടത്. മന്ത്രിമാരും ധാരണാപത്രം നേരത്തെ കണ്ടിരുന്നില്ല. സംസ്ഥാന താല്പര്യങ്ങൾക്ക് എതിരായ ധാരണാപത്രം റദ്ദാക്കുമെന്ന സൂചന മുഖ്യമന്ത്രി പിണറായി വിജയൻ കഴിഞ്ഞ ദിവസം നൽകിയിരുന്നു.

പ്രതിപക്ഷ നേതാവ് രമേശ് ചെന്നിത്തലയാണ് ധാരണാപത്രത്തിനെതിരെ രംഗത്തുവന്നത്. രമേശ് ചെന്നിത്തല ആഭ്യന്തര മന്ത്രിയായിരിക്കെ പ്രൈവറ്റ് സെക്രട്ടറി ആയിരുന്നു ധാരണാപത്രം ഒപ്പിട്ട കെ എസ് ഐ എൻ സി എം ഡി എൻ പ്രശാന്ത്.

കരാർ ഒപ്പിടണം എന്നാവശ്യപ്പെട്ട് മന്ത്രിക്ക് നൽകിയ നിവേദനത്തെ ആണ് രമേശ് ചെന്നിത്തല കരാറായി വ്യാഖ്യാനിച്ചത്. ധാരണാപത്രം ഒപ്പിടുന്നതിനു മുൻപ് എൻ പ്രശാന്ത് നടപടിക്രമങ്ങൾ പാലിച്ചിരുന്നോ എന്നത് സർക്കാർ പരിശോധിക്കും. മന്ത്രിക്ക് നൽകിയ നിവേദനത്തിന്റെ കോപ്പി എങ്ങനെ രമേശ്‌ ചെന്നിത്തലയ്ക്ക് ലഭിച്ചുവെന്ന് മുഖ്യമന്ത്രി വാർത്താസമ്മേളനത്തിൽ ചോദിച്ചിരുന്നു.

Related Articles

Leave a Reply

Your email address will not be published. Required fields are marked *

Back to top button