അതിവേഗ വൈഫൈ ഇൻറർനെറ്റ് സേവനം രാജ്യവ്യാപകമായി എത്തിക്കാനുള്ള പിഎം വാണി പദ്ധതി കേരളത്തിലേക്ക്. ഇതിനായുള്ള രജിസ്ട്രേഷൻ ഡിപ്പാർട്ട്മെൻറ് ഓഫ് ടെലികോം ആരംഭിച്ചു. രാജ്യത്ത് എല്ലായിടത്തും വൈഫൈ സേവനം ഉറപ്പാക്കുകയാണ് പദ്ധതിയുടെ ലക്ഷ്യം. പദ്ധതിയിലൂടെ ചെറുകിട സ്ഥാപനങ്ങൾക്ക് വരുമാനം കൂടുമെന്നും രാജ്യത്ത് എല്ലായിടത്തും വൈഫൈ സേവനം ലഭിക്കുമെന്നാണ് കരുതുന്നത്. റെയിൽവേ സ്റ്റേഷനുകളിലും മറ്റും സ്ഥാപിച്ചിട്ടുള്ള, ഗൂഗിളിന്റെ സഹകരണത്തോടെ കൈകാര്യം ചെയ്യുന്ന അതിവേഗ വൈഫൈ സേവനത്തിന്റെ മറ്റൊരു പതിപ്പാണ് പി എം വാണി പദ്ധതി.
