Lead NewsNEWS

കേരളം പൂർണമായും വാക്സിനേഷന് വേണ്ടി സജ്ജം :ആരോഗ്യമന്ത്രി കെ കെ ഷൈലജ

കേരളം പൂർണമായും വാക്സിനേഷന് വേണ്ടി സജ്ജമെന്ന് ആരോഗ്യമന്ത്രി കെ കെ ഷൈലജ.കേരളത്തിൽ വാക്സിനേഷൻ വിജയകരമാകുമെന്നാണ് പ്രതീക്ഷയെന്നും മന്ത്രി പറഞ്ഞു.കൊവിഡ് വാക്സിന്‍ കുത്തിവയ്പ്പിന് മുന്നോടിയായി ആരോഗ്യവകുപ്പ് സംഘടിപ്പിക്കുന്ന ശില്പശാല ഉദ്ഘാടനം ചെയ്യുകയായിരുന്നു മന്ത്രി.പ്രതിരോധ കുത്തിവയ്പ്പുമായി ബന്ധപ്പെട്ട ശാസ്ത്രീയ വിവരങ്ങൾ ജനങ്ങളെ അറിയിക്കുവാനാണ് ശില്പശാല.

വാക്സിനേഷനു വേണ്ടിയുള്ള എല്ലാ നടപടി ക്രമവും പൂർത്തിയാക്കി.കൃത്യമായി രജിസ്ട്രേഷനും നടത്തി.അതിൻ പ്രകാരം വാക്സിനേഷൻ നടത്തും എന്നും മന്ത്രി അറിയിച്ചു.

ആദ്യം ആരോഗ്യ പ്രവർത്തകർക്ക് വാക്സിൻ നൽകും.തുടർന്ന് മുൻഗണനാ പട്ടികയിൽ ഉള്ളവർക്ക് നൽകും.

വാക്സിന്റെ ആദ്യ ഡോസെടുത്താൻ സുരക്ഷിതരായി എന്ന് കരുതരുത്.എല്ലാ മുൻകരുതലും തുടരണം.വാക്സിൻ ഭയക്കേണ്ട ഒന്നല്ലെന്നും മന്ത്രി വ്യക്തമാക്കി.

Back to top button
error: