അയോധ്യയില്‍ രാമക്ഷേത്രം നിര്‍മ്മിക്കുന്ന കര്‍മ്മത്തില്‍ സാധാരണക്കാരെയും പങ്കാളികളാക്കാനൊരുങ്ങി മഹാരാഷ്ട്ര ബിജെപി. ഓരോ വീട്ടില്‍ നിന്നും 10 രൂപ വീതം ശേഖരിക്കാനാണ് ബിജെപി യുടെ തീരുമാനം. ധനശേഖരണം ഈ മാസം 15 ന് തുടങ്ങുമെന്നറിയിച്ചു. ഓരോ മേഖലയിലെയും ധനശേഖരണ പരിപാടിക്ക് നേതൃത്വം നല്‍കുന്നത് ബൂത്ത് ഘടകങ്ങളായിരിക്കും. അടുത്തിടെ നിയമസഭ കൗണ്‍സില്‍ ഇലക്ഷനില്‍ നേരിട്ട പരാജയത്തിന് പിന്നാലെ താഴെത്തട്ടിലെ പ്രവര്‍ത്തനം ശക്തമാക്കാന്‍ തീരുമാനിച്ചതിന്റെ ഭാഗമായിട്ട് കൂടിയാണ് വീടുകള്‍ തോറും കയറിയുള്ള ധനസമാഹരണ പദ്ധതി പാര്‍ട്ടി നടപ്പാക്കാന്‍ ഒരുങ്ങുന്നത്. കഴിഞ്ഞ ദിവസം നടന്ന ജില്ലാ ഭാരവാഹികളുടെ യോഗത്തിലാണ് രാമക്ഷേത്ര നിര്‍മ്മാണത്തിന് ഓരോ വീട്ടില്‍ നിന്നും 10 രൂപ എന്ന ആശയം ഉദിച്ചത്. മുംബൈയില്‍ പാര്‍ട്ടിയെ ശക്തിപ്പെടുത്തുക എന്ന ഉദ്ദേശം കൂടി ഈ പദ്ധതിക്ക് പിന്നിലുണ്ട്. അടുത്ത വര്‍ഷം മുംബൈ കോര്‍പ്പറേഷനിലേക്ക് നടക്കുന്ന തിരഞ്ഞെടുപ്പില്‍ ശക്തമായി വിജയിക്കുന്നതിനുള്ള മുന്നൊരുക്കങ്ങള്‍ കൂടിയാണ് ഈ പരിപാടിക്ക് പിന്നിലെ അജണ്ട
