തിരുവനന്തപുരം: സ്വര്ണക്കടത്ത് കേസുമായി ബന്ധപ്പെട്ട് സ്പീക്കര് ശ്രീരാമകൃഷ്ണനെ കസ്റ്റംസ് ഇന്ന് ചോദ്യം ചെയ്യും. ഡോളര് കടത്ത് കേസിലാണ് ചോദ്യം ചെയ്യുക.
ഡോളര് അടങ്ങിയ ബാഗ് പ്രതികള്ക്ക് കൈമാറിയെന്ന ഗുരുതര മൊഴി സ്പീക്കര്ക്കെതിരെ നിലവിലുണ്ട്. കോടതിയുടെ മുന്പാകെ സമര്പ്പിച്ച റിപ്പോര്ട്ടിലും ഈ മൊഴിയുണ്ട്. ഇതേത്തുടര്ന്നാണ് കസ്റ്റംസ് നീക്കം.
സ്വര്ണക്കടത്ത് കേസിലെ പ്രതികളായ സ്വപ്നയും സരിത്തും മജിസ്ട്രേറ്റിനും കസ്റ്റംസിനും നല്കിയ മൊഴിയില് സ്പീക്കര്ക്കെതിരെ ഗുരുതര ആരോപണങ്ങളാണ് ഉള്ളത്. ഡോളര് അടങ്ങിയ ബാഗ് കോണ്സുലേറ്റ് ഓഫീസില് എത്തിക്കാന് സ്പീക്കര് ആവശ്യപ്പെട്ടുവെന്നാണ് ഇരുവരും മൊഴി നല്കിയത്. അടുത്ത ആഴ്ച നോട്ടീസ് നല്കി സ്പീക്കറെ കൊച്ചിയിലേക്ക് വിളിച്ചുവരുത്താനാണ് കസ്റ്റംസ് നീക്കമെന്നാണ് പുറത്തുവരുന്ന റിപ്പോര്ട്ട്.