മുതിര്‍ന്ന കോണ്‍ഗ്രസ്സ് നേതാക്കളുമായി സോണിയ ഗാന്ധി ഇന്ന് കൂടിക്കാഴ്ച നടത്തി പിരിയുമ്പോള്‍ പുറത്ത് വരുന്ന വാര്‍ത്തകളില്‍ ഏറ്റവും സുപ്രധാനമായ കാര്യം കോണ്‍ഗ്രസ്സ് അധ്യക്ഷ സ്ഥാനത്തേക്ക് വരാന്‍ രാഹുല്‍ ഗാന്ധി ഇപ്പോഴും തയ്യാറായിട്ടില്ല എന്നതാണ്. സോണിയ ഗാന്ധി തന്നെ അധ്യക്ഷ സ്ഥാനത്ത് തുടരണമെന്ന് മുതിര്‍ന്ന നേതാക്കള്‍ ആവശ്യപ്പെട്ടു. നേതാക്കളുമായുള്ള ചര്‍ച്ചയില്‍ കേരളത്തിലെ തദ്ദേശ തിരഞ്ഞെടുപ്പില്‍ പാര്‍ട്ടി നേരിട്ട പരാജയവൂം ചര്‍ച്ചയായി. ഈ ദയനീയാവസ്ഥ മറികടക്കാന്‍ പാര്‍ട്ടിക്ക് ശക്തനായൊരു നേതാവ് മുന്നിലേക്ക് വരേണ്ടിയിരിക്കുന്നു. പാര്‍ട്ടിയിലെ ഭൂരിഭാഗം പേരും രാഹുല്‍ ഗാന്ധിയുടെ തിരിച്ചു വരവ് ആഗ്രഹിക്കുന്നുവെന്നും പുതിയ പാര്‍ട്ടി പ്രസിഡന്റിനെ തിരഞ്ഞെടുക്കുവാനുള്ള നടപടികള്‍ ഉടന്‍ പാര്‍ട്ടി ആരംഭിക്കുമെന്നും മുതിര്‍ന്ന നേതാവ് രണ്‍ദീപ് സുര്‍ജേവാല പറഞ്ഞു.
