ചെന്നൈ: ചെന്നൈ നഗരത്തില് ഇന്നലെ രാത്രി തുടങ്ങിയ മഴ ശമനമില്ലാതെ തുടരുന്നു. പലയിടങ്ങളും വെള്ളത്തിനടിയിലായി. ചെന്നൈ നഗരത്തിലെ ഗതാഗതവും മറ്റ് സംവിധാനങ്ങളും മഴയെത്തുടര്ന്ന് പ്രവര്ത്തന രഹിതമായ അവസ്ഥയിലാണ്. ചെന്നൈയിലെ പ്രധാന പച്ചക്കറി മാര്ക്കറ്റായ കോയമ്പേട് മാര്ക്കറ്റിന് സമീപമുള്ള പ്രധാന റോഡില് വെള്ളം കയറി. ഏഷ്യയിലെ ഏറ്റവും വലിയ പഴം, പച്ചക്കറി മാര്ക്കറ്റാണ് കോയമ്പേട്. മഴ കനക്കുന്നതു മാര്ക്കറ്റിന്റെ വിപണിയെ സാരമായി ബാധിച്ചിട്ടുണ്ട്. ചെന്നെയുടെ തൊട്ടടുത്ത ജില്ലകളിലും സ്ഥിതി വ്യത്യസ്തമല്ല.ചെങ്കല്പ്പെട്ട്, തിരുവള്ളൂര്, കാഞ്ചിപുരം എന്നീ ജീല്ലകളിലാണ് മഴ തുടരുന്നത്. തുടര്ച്ചയായി നഗരത്തില് മഴ പെയ്യുന്നത് വളരെ അപൂര്വ്വമാണ്. അടുത്ത രണ്ട് മണിക്കൂര് കൂടി മഴ ശക്തിയോടെ പെയ്യുമെന്നും തുടര്ന്ന് സാവധാനം കുറയുമെന്നും കാലാവസ്ഥ നിരീക്ഷണ കേന്ദ്രം അറിയിച്ചു