ശോഭ സുരേന്ദ്രൻ പാർട്ടിയിൽ സജീവമാണെന്ന അവകാശവാദവുമായി കേന്ദ്ര മന്ത്രി വി മുരളീധരൻ .സജീവമല്ല എന്ന് തോന്നുന്നുണ്ടെങ്കിൽ മാധ്യമപ്രവർത്തകർ അന്വേഷിക്കണമെന്നും വി മുരളീധരൻ .പാർട്ടിയിൽ പ്രശ്നം ഇല്ല എന്നും വി മുരളീധരൻ പറഞ്ഞു .തിരഞ്ഞെടുക്കപ്പെട്ടവർ അതത് ചുമതലകൾ വഹിക്കുമെന്നും മുരളീധരൻ കൂട്ടിച്ചേർത്തു .
കെ സുരേന്ദ്രൻ സംസ്ഥാന അധ്യക്ഷൻ ആയതിനു ശേഷം നടന്ന പുനഃസംഘടനയിൽ ശോഭ സുരേന്ദ്രന് ഉപാധ്യക്ഷ സ്ഥാനമാണ് നൽകിയത് .കോർ കമ്മിറ്റിയിൽ നിന്ന് ഒഴിവാക്കുകയും ചെയ്തു .തുടർന്ന് 7 മാസമായി ശോഭ സുരേന്ദ്രൻ രാഷ്ട്രീയത്തിൽ സജീവമല്ല.ഇത് മാധ്യമങ്ങൾ വാർത്ത ആക്കിയതിനു പിന്നാലെയാണ് വി മുരളീധരന്റെ വിശദീകരണം .
