Tag Archives: Sania Mirza

സാനിയ മിർസക്കെതിരെ മുംബൈ ഇമാം,വസ്ത്രം ശരിയായി ധരിച്ചില്ലെങ്കിൽ വീട്ടിലിരിക്കണമെന്ന് അന്ത്യശാസനം

ടെന്നീസ് താരം സാനിയ മിർസക്കെതിരെ മുംബൈ ഇമാം സായ്യിദ് റഷീദ്.സാനിയയുടെ വസ്ത്രരീതി ശരിയല്ലെന്നും അനിസ്ലാമികമെന്നും ഇമാം പറഞ്ഞു.സാനിയ ബുർഖ ധരിക്കണം.ബുർഖ ധരിച്ച് ടെന്നീസ് കളിക്കാനാകില്ലെങ്കിൽ വീട്ടിലിരിക്കണമെന്നും ഇമാം മുന്നറിയിപ്പ് നൽകി.

 

ഫതഹ് കി ഫത്വ എന്ന ടെലിവിഷൻ പരിപാടിയിലാണ് വിവാദ പരാമർശം.സാനിയ മിർസയുടെ വസ്ത്രധാരണ ശൈലി ലൈംഗികത ഉണർത്തുന്നതാണെന്നും ഇമാം പറഞ്ഞു.എല്ലാ മുസ്ലീങ്ങ‍ളും ബുർഖ ധരിക്കണോ എന്ന വിഷയത്തിലായിരുന്നു ചർച്ച.

 

സാനിയ മിർസക്കെതിരെ മതവാദികൾ രംഗത്തെത്തുന്നത് ഇതാദ്യമായല്ല.ചിലർ ഉപദേശം നൽകും,ചിലർ ഭീഷണിപ്പെടുത്തും.ഇവിടുത്തെ ജീവിതം താത്കാലികമാണ്.മരണത്തിനു ശേഷമാണ് യഥാർത്ഥ ജിവിതം അത് മറന്ന് വസ്ത്രം ധരിക്കരുതെന്നാണ് ഉപദേശം.