Tag Archives: Jishnu

സ്വാശ്രയ കോളേജ് വിഷയവുമായി വിദ്യാർത്ഥികൾ തെരുവിലേക്ക്,കോളേജുകളെ നിയന്ത്രിക്കാൻ സർക്കാർ,വ‍ഴങ്ങില്ലെന്ന് കോളേജുകൾ

പാമ്പാടി നെഹ്റു കോളേജിലെ ജിഷ്ണുവിന്‍റെ ആത്മഹത്യ ഒരു നിമിത്തമാകുകയാണ്.ആരാലും നിയന്ത്രിക്കപ്പെടാതെ തോന്നിയ പോലെ പ്രവർത്തിച്ചിരുന്ന കോളേജുകളെ നിയന്ത്രിക്കാൻ സർക്കാർ ഒരുങ്ങുകയാണ്.എന്നാൽ അതിനെ ചെറുക്കാൻ സ്വാശ്രയ കോളേജ് മാനേജ്മെന്‍റുകളും രംഗത്തിറങ്ങിയിരിക്കുകയാണ്.

 

സ്വശ്രയ കോളേജ് മാനേജ്മെന്‍റുകളുടെ പീഡനം ഭയന്ന് മിണ്ടാതിരുന്ന വിദ്യാർത്ഥികളും ധൈര്യം സംഭരിച്ചു ക‍ഴിഞ്ഞു.കേരളത്തിലെ പ്രധാന വിദ്യാർത്ഥി സംഘടനകളായ എസ് എഫ് ഐ യും കെ എസ് യു വും എ ബി വി പിയും സമര രംഗത്തുണ്ട്.സ്വാശ്രയ കേളേജുകളുടെ മനുഷ്യാവകാശ ലംഘനം വിവരിക്കാൻ മാധ്യമങ്ങൾ കൂടി രംഗത്തെത്തിയതോടെ ചിത്രം മാനേജുമെന്‍റുകൾക്കെതിരെയായി.

 

സ്വശ്രയ കോളേജുകളെ നിയന്ത്രിക്കാൻ ഓംബുഡ്സ്മാനെ നിയമിക്കാൻ സാങ്കേതിക സർവകലാശാലയും വിഷയം പഠിക്കാൻ പ്രത്യേക സമിതിയെ സർക്കാരും ഏർപ്പാടുകയാക്കുകയാണ്.ഇതോടെ എല്ലാ നിയന്ത്രിക്കപ്പെടും.എന്നാൽ ഈ നിയന്ത്രണങ്ങൾക്കെതിരെ സ്വാശ്രയ മാനേജ്മെന്‍റുകൾ രംഗത്തു വന്നു ക‍ഴിഞ്ഞു.ഇനി നിയമ യുദ്ധത്തിന്‍റെ കൂടെ കാലമാണ് വരുന്നത്.