Tag Archives: Facebook

ഷമിക്കെതിരെ വീണ്ടും മതമൗലികവാദികൾ,നായോടൊപ്പം നിൽക്കുമ്പോൾ മുഹമ്മദ് വേണ്ട

ഭാര്യ ഹസിന്‍ ജഹാന്റെ വസ്ത്രധാരണ രീതിയുടെ പേരില്‍ സോഷ്യല്‍ മീഡിയയുടെ വിമര്‍ശനമേറ്റു വാങ്ങിയ മുഹമ്മദ് ഷമിക്ക് നേരെ വീണ്ടും ആക്രമണം. ഇത്തവണ നായയോടൊപ്പമുള്ള ചിത്രം പോസ്റ്റ് ചെയ്തതിന്റെ പേരിലാണ് ഷമി സോഷ്യല്‍ മീഡിയയില്‍ ആക്രമണത്തിനിരയായത്.

 

നായകളെ ഒരുപാട് ഇഷ്ടമാണെന്ന ക്യാപ്ഷനോടെയാണ് ഷമി ഫോട്ടോ ഫെയ്‌സ്ബുക്കില്‍ പങ്കുവെച്ചത്. ഇതിനു താഴെ ഷമിയുടെ വിശ്വാസത്തെ ചോദ്യം ചെയ്തുള്ള കമന്റുകള്‍ കൊണ്ടു നിറയുകയായിരുന്നു. ചിലര്‍ ഇന്ത്യന്‍ താരത്തെ മുസ്ലിം വിരുദ്ധനെന്ന് വിളിച്ചപ്പോള്‍ മറ്റു ചിലര്‍ പ്രശസ്തനായപ്പോള്‍ ഷമി വന്ന വഴി മറന്നുവെന്നും കുറ്റപ്പെടുത്തി. ഇങ്ങനെയുള്ള ഫോട്ടോ പോസ്റ്റ് ചെയ്ത് ഇസ്ലാം മതത്തെ ഷമി വഞ്ചിക്കുകയാണെന്ന തരത്തിലുള്ളതാണ് അധിക കമന്റുകളും. പേരില്‍ നിന്ന് മുഹമ്മദ് നീക്കം ചെയ്യണമെന്നും ചിലര്‍ ഷമിയോട് ആവശ്യപ്പെടുന്നുണ്ട്. എന്നാല്‍ ഇതിനോട് ഇതുവരെ ഷമി പ്രതികരിച്ചിട്ടില്ല.

 

ഇംഗ്ലണ്ടിനെതിരായ ഏകദിന പരമ്പരക്കുള്ള ടീമില്‍ ഷമി ഉള്‍പ്പെട്ടിരുന്നില്ല. നിലവില്‍ ബെംഗൂളുരുവില്‍ ഫിറ്റ്‌നസ് ട്രെയ്‌നിങ്ങിലാണ് ഷമി. ഇതിനിടയില്‍ അച്ഛന് ഹൃദയാഘാതം വന്നതിനെ തുടര്‍ന്ന് ഷമി നാട്ടിലേക്ക് തിരിച്ചു പോയിരുന്നു.