Tag Archives: Bengaluru

യുവതിയുടെ പരാതിയില്‍ ഭര്‍ത്താവിനെതിരെ ബലാത്സംഗത്തിന് കേസ്; വിവാഹ രാത്രിയില്‍ മദ്യം നല്‍കി ബലമായി ലൈംഗിക വേഴ്ചയ്ക്ക് ഇരയാക്കിയെന്ന് യുവതി

യുവതിയുടെ പരാതിയില്‍ ഭര്‍ത്താവിനെതിരെ ബലാത്സംഗത്തിന് കേസെടുത്തു. വിവാഹബന്ധത്തിലെ ക്രൂരമായ ലൈംഗിക പീഡനം തടയുന്നതിനുള്ള മാരിറ്റല്‍ റേപ്പ് നിയമപ്രകാരമാണ് ബംഗളുരു സ്വദേശിയായ യുവാവിനെതിരെ പോലീസ് കേസെടുത്തത്. ഇയാളുടെ 24കാരിയായ ഭാര്യയാണ് പോലീസില്‍ പരാതി നല്‍കിയത്.

 

2016 ഏപ്രിലില്‍ വിവാഹം കഴിഞ്ഞത് മുതല്‍ ഭര്‍ത്താവ് ക്രൂരമായ ലൈംഗിക പീഡനത്തിന് ഇരയാക്കി വരുന്നതായി യുവതി നല്‍കിയ പരാതിയില്‍ വ്യക്തമാക്കി. വിവാഹ രാത്രിയില്‍ തന്നെ ഭര്‍ത്താവിന്റെ ലൈംഗിക വൈകൃതങ്ങള്‍ക്കിരയായതായും യുവതി ചൂണ്ടിക്കാട്ടി. വിവാഹ രാത്രിയില്‍ ഭര്‍ത്താവ് മദ്യലഹരിയിലായിരുന്നു. തുടര്‍ന്ന് ഇയാള്‍ ബലമായി തനിക്ക് മദ്യം നല്‍കി. തുടര്‍ന്ന് ബലമായി ലൈംഗിക വേഴ്ചയ്ക്ക് ഇരയാക്കിയെന്നും യുവതി പറഞ്ഞു.