NEWS
-
വീണ്ടും അധികാരത്തില് വന്നാല് ഇലക്ടറല് ബോണ്ടുകള് തിരികെ കൊണ്ടുവരും: നിര്മല സീതാരാമന്
ന്യൂഡല്ഹി: 2024 ലെ പൊതുതെരഞ്ഞെടുപ്പില് വീണ്ടും അധികാരത്തില് വന്നാല് ഇലക്ടറല് ബോണ്ടുകള് തിരികെ കൊണ്ടുവരാനാണ് ബി.ജെ.പി ഉദ്ദേശിക്കുന്നതെന്ന് കേന്ദ്ര ധനമന്ത്രി നിര്മല സീതാരാമന്. ഫെബ്രുവരിയില് സുപ്രീംകോടതി ഇലക്ടറല് ബോണ്ടുകള് റദ്ദാക്കിയിരുന്നു. പദ്ധതിയില് ചിലമാറ്റങ്ങള് അനിവാര്യമാണെന്നും കോടതി പറഞ്ഞിരുന്നു. 2024 ലെ തെരഞ്ഞെടുപ്പില് സമ്പദ് വ്യവസ്ഥയുടെ അവസ്ഥ വലിയ ചര്ച്ചയാകും. പണപ്പെരുപ്പം നിയന്ത്രണത്തിലാക്കാന് സാധിച്ചുവെന്നും ധനമന്ത്രി പറഞ്ഞു. പ്രതിപക്ഷം അഴിമതിക്കാരാണെന്നും വടക്ക്-തെക്ക് വിഭജനം ഉണ്ടാക്കാന് അവര് ശ്രമിക്കുകയാണെന്നും സീതാരാമന് ആരോപിച്ചു. ഈ തെരഞ്ഞെടുപ്പുകളില് 370 സീറ്റുകളാണ് ബി.ജെ.പിയുടെ യഥാര്ത്ഥ ലക്ഷ്യം, ദക്ഷിണേന്ത്യന് ജനതയെ ദ്രാവിഡ പാര്ട്ടികള് തെറ്റിദ്ധരിപ്പിക്കുകയാണെന്നും അവര് കൂട്ടിച്ചേര്ത്തു. ‘ബന്ധപ്പെട്ടവരുമായി ചര്ച്ചകള് നടത്തി എല്ലാവര്ക്കും സ്വീകാര്യമായ ഒരു ചട്ടക്കൂട് ഉണ്ടാക്കും. സുതാര്യത ഉറപ്പാക്കി കള്ളപ്പണം ബോണ്ടുകളിലേക്ക് എത്തുന്നത് തടയും. സുപ്രീംകോടതി വിധി പുനഃപരിശോധിക്കാന് കേന്ദ്രസര്ക്കാര് തീരുമാനിച്ചിട്ടുണ്ടെന്നും’ സീതാരാമന് പറഞ്ഞു. 2018-ല് അവതരിപ്പിച്ച ഇലക്ടറല് ബോണ്ടുകള് സ്റ്റേറ്റ് ബാങ്ക് ഓഫ് ഇന്ത്യയുടെ ഏത് ശാഖയില് നിന്നും വാങ്ങാന് സാധിക്കും. ഈ സ്കീമിന് കീഴില്…
Read More » -
ഭിന്നശേഷി കുട്ടികള്ക്ക് സ്കൂള് ബസില് സീറ്റ് സംവരണം നിര്ബന്ധം; ഫീസ് ഇളവും പരിഗണിക്കണം
തിരുവനന്തപുരം: ഭിന്നശേഷി കുട്ടികള്ക്ക് സ്കൂള് ബസില് സീറ്റ് സംവരണം നിര്ബന്ധമാക്കി. മുഖ്യമന്ത്രിയുടെ നവ കേരള സദസില് ലഭിച്ച പരാതിയുടെ അടിസ്ഥാനത്തിലാണ് നടപടി. മലപ്പുറം കക്കാട് ജിഎംയുപി സ്കൂള് വിദ്യാര്ഥി ഫാത്തിമ സനയ്യ ആണ് മുഖ്യമന്ത്രിക്ക് പരാതി നല്കിയിരുന്നത്. ഭിന്നശേഷിക്കാരായ സാമ്പത്തികമായി പിന്നാക്കം നില്ക്കുന്ന വിദ്യാര്ഥികള്ക്ക് സ്കൂള് ബസില് ഫീസിളവ് അനുവദിക്കുന്ന കാര്യം സ്കൂളുകള് പരിഗണിക്കണമെന്നു പൊതു വിദ്യാഭ്യാസ ഡയറക്ടര് നിര്ദ്ദേശിച്ചു. ഇക്കാര്യത്തില് അതത് സ്കൂളുകളാണ് തീരുമാനം എടുക്കേണ്ടത്.
Read More » -
നടി ഹര്ഷികയ്ക്കും ഭര്ത്താവിനും നേരെ ആക്രമണം; അക്രമികളുടെ ചിത്രങ്ങള് പുറത്തുവിട്ട് താരം
ബംഗളുരു: ദക്ഷിണേന്ത്യന് നടി ഹര്ഷിക പൂനച്ചയ്ക്കും ഭര്ത്താവും നടനുമായ ഭുവന് പൊന്നപ്പയ്ക്കുംനേരെ അജ്ഞാതരുടെ ആക്രമണം. ബംഗളൂരു പുലികേശി നഗറിലുള്ള ഭക്ഷണശാലയില് നിന്ന് ആഹാരംകഴിച്ച് പുറത്തിറങ്ങി കാറില് കയറിയപ്പോഴാണ് ഒരുസംഘമാളുകള് കാര് തടഞ്ഞ് അക്രമം അഴിച്ചുവിട്ടത്. ഇതിന്റെ വീഡിയോയും മൂന്ന് പേരുടെ ചിത്രങ്ങളും ഹര്ഷിക പുറത്തുവിട്ടിട്ടുണ്ട്. വാലേ പാര്ക്കില് നിന്ന് കാര് എടുത്തു പുറത്തേക്ക് നീങ്ങിയ തനിക്കും കുടുംബത്തിനുംനേരേ ഒരു സംഘം അക്രമികള് ചാടിവീണ് ആക്രമിച്ചെന്നും വിലപിടിപ്പുള്ള വസ്തുക്കള് തട്ടിയെടുക്കാന് ശ്രമിക്കുകയും വാഹനം നശിപ്പിക്കാന് ശ്രമിച്ചുവെന്നും ഹര്ഷിക ആരോപിച്ചു. നമ്മുടെ ബംഗളൂരുവില് നാട്ടുകാരായ നമ്മള് എത്രത്തോളം സുരക്ഷിതരാണ്? എന്ന തലക്കെട്ടിലെഴുതിയ നീണ്ട കുറിപ്പിലാണ് ഹര്ഷിക തനിക്കും കുടുംബത്തിനും നേരിട്ട ദുരനുഭവത്തേക്കുറിച്ച് വിവരിച്ചത്. ഒരുപാട് ആലോചിച്ച ശേഷമാണ് ഈ സംഭവത്തേക്കുറിച്ച് തുറന്നുപറയുന്നത്. സുഹൃത്തുക്കളോടും കുടുംബാംഗങ്ങളോടും പൊലീസ് ഡിപ്പാര്ട്ട്മെന്റിലെ ചില പരിചയക്കാരോടും സംസാരിച്ചതിനു ശേഷം ഇത് പുറത്തുപറയേണ്ട എന്നാണ് ആദ്യം കരുതിയത്. പക്ഷേ ബംഗളൂരുകാരുടെ നന്മയെക്കരുതിയാണ് തന്റെ അനുഭവം പോസ്റ്റു ചെയ്യാന് തീരുമാനിച്ചതെന്നും അവര് ആമുഖമായി…
Read More » -
അടൂര് പ്രകാശിനായി പണം വിതരണമെന്ന് ആരോപണം: ബിജു രമേശിനെ തടഞ്ഞ് ഡിവൈഎഫ്ഐ പ്രവര്ത്തകര്; പണം കണ്ടെത്താനായില്ലെന്ന് ഫ്ളൈങ് സ്ക്വാഡ്
തിരുവനന്തപുരം: വോട്ടര്മാര്ക്ക് പണം നല്കിയെന്ന് ആരോപിച്ച് ആറ്റിങ്ങല് മണ്ഡലത്തിലെ അരുവിക്കര വടക്കേമലയില് വ്യവസായി ബിജു രമേശിനെ ഡിവൈഎഫ്ഐ പ്രവര്ത്തകര് തടഞ്ഞു. യുഡിഎഫ് സ്ഥാനാര്ഥി അടൂര് പ്രകാശിനായി പണം നല്കിയെന്നാണ് ആരോപണം. അതേസമയം, താന് ബിസിനസ് കാര്യങ്ങള്ക്കായി അരുവിക്കര സ്വദേശിയും സുഹൃത്തുമായ സുരേഷിന്റെ വീട്ടിലെത്തിയതാണെന്ന് ബിജു രമേശ് പറഞ്ഞു. തിരഞ്ഞെടുപ്പ് സ്ക്വാഡ് നടത്തിയ പരിശോധനയില് പണം കണ്ടെത്താനായില്ല. അരുവിക്കര വടക്കേമലയില് കോണ്ഗ്രസ് ബ്ലോക്ക് സെക്രട്ടറി സുരേഷിന്റെ വീട്ടിലായിരുന്നു ബിജു രമേശ് എത്തിയത്. വിവരമറിഞ്ഞ് സ്ഥലത്തെത്തിയ പൊലീസ് ബിജു രമേശിനെ അരുവിക്കര സ്റ്റേഷനിലേക്കു മാറ്റി. വാഹനം തടഞ്ഞ ഡിവൈഎഫ്ഐ പ്രവര്ത്തകര്, പണം വിതരണത്തിനെത്തിയ ബിജു രമേശിനെ അറസ്റ്റു ചെയ്യണമെന്ന് ആവശ്യപ്പെട്ട് മുദ്രാവാക്യം വിളിക്കുകയായിരുന്നു. ബിജു രമേശിന് എതിരെ കേസ് എടുക്കണമെന്ന് സിപിഎം പ്രവര്ത്തകര് ആവശ്യപ്പെട്ടു. സിപിഎം നേതൃത്വം ബിജു രമേശിനെതിരെ പരാതി നല്കി. ബിജു രമേശ് ഇവിടെ എത്തിയതറിഞ്ഞ് പിന്നാലെ വന്ന ഡിവൈഎഫ്ഐ പ്രവര്ത്തകര് ഇദ്ദേഹത്തെ മര്ദ്ദിച്ചെന്നും പരാതിയുണ്ട്. റിയല് എസ്റ്റേറ്റ് ആവശ്യത്തിനായാണ് ബിജു…
Read More » -
സുഹൃത്തിനോട് ഓടിക്കാന് വാങ്ങിയ മഹീന്ദ്ര ബൊലേറോ പണയം വച്ച് പണം തട്ടി, കരുനാഗപ്പള്ളി സ്വദേശിയെ ഡല്ഹി വിമാനത്താവളത്തില് നിന്നും പിടികൂടി
കൊല്ലം: ഓടിക്കാന് വാങ്ങിയ വാഹനം പണയം വച്ച് പണം തട്ടിയ കേസില് പ്രതിയെ പൊലീസ് ഡല്ഹി വിമാനത്താവളത്തില് നിന്നും പിടികൂടി. കരുനാഗപ്പള്ളി തഴവ പാലപ്പള്ളി പടീറ്റതില് അജിത് കുമാറിനെയാണ് പൊലീസ് അറസ്റ്റ് ചെയ്തത്. പരിചയക്കാരന്റെ മഹീന്ദ്ര ബൊലേറോ ഓടിക്കാനായി വാങ്ങി. നാലുമാസം കഴിഞ്ഞ് അത് കൊച്ചിയില് പണയത്തിലാണ് എടുക്കാന് രണ്ടുലക്ഷം രൂപ വേണണെന്നാവശ്യപ്പെട്ടു. ഇത് നല്കിയപ്പോള് വാഹനം തിരികെ നല്കാതെ മുങ്ങുകയായിരുന്നു. പ്രതിക്കായി പൊലീസ് ലുക്ക്ഔട്ട് നോട്ടീസ് പുറപ്പെടുവിച്ചിരുന്നു. ഇതിന്റെ അടിസ്ഥാനത്തിലാണ് അറസ്റ്റ്. തുടർന്ന് കരുനാഗപ്പള്ളി പൊലീസിനു കൈമാറിയ പ്രതിയെ കോടതി റിമാൻ്റ് ചെയ്തു.
Read More » -
തൃശ്ശൂര് പൂരം: പ്രതിസന്ധി മാറി, നാലുമണിക്കൂർ വൈകി പകൽ വെളിച്ചത്തിൽ വെടിക്കെട്ട്; ആർപ്പുവിളികളോടെ പൂരപ്രേമികൾ
തൃശൂര്: രാത്രിപ്പൂരത്തിനിടെ പൊലീസിന്റെ ബലപ്രയോഗം അതിരുവിട്ടതോടെ തിരുവമ്പാടി വിഭാഗം പൂരം നിര്ത്തിവച്ചു. ചരിത്രത്തിലാദ്യമായാണ് ഇങ്ങനെയൊരു സംഭവം. വെടിക്കെട്ട് ആരംഭിക്കുന്നതിന് മുമ്പ് പഞ്ചവാദ്യം നടക്കുന്നതിനിടെ നടുവിലാൽ ഭാഗത്തു പൊലീസ് ബാരിക്കേഡ് വച്ച് പാറമേക്കാവിലമ്മയുടെ രാത്രി എഴുന്നള്ളിപ്പ് തടഞ്ഞതാണ് പ്രശ്നങ്ങള്ക്ക് കാരണം. രാത്രി ഒന്നരയോടെയാണു സംഭവം. ഇതോടെ പഞ്ചവാദ്യക്കാർ വടക്കുന്നാഥ ക്ഷേത്രനടയ്ക്കു മുന്നിൽവച്ചു പിരിഞ്ഞുപോയി. ആനകളും പൂരപ്രേമികളും മടങ്ങി. നടുവിലാലിലെ പൂരപ്പന്തലിന്റെ ലൈറ്റ് അണച്ച് തിരുവമ്പാടി ദേവസ്വം പ്രതിഷേധമറിയിച്ചു. പൂരം നിർത്തിവച്ചതോടെ വെടിക്കെട്ടിന്റെ കാര്യവും അനിശ്ചിതത്വത്തിലായി. ഒടുവിൽ തൃശൂർ ജില്ലയുടെ ചുമതലയുള്ള മന്ത്രി കെ. രാജനും ജില്ലാ ഭരണകൂടവും തിരുവമ്പാടി വിഭാഗവുമായി നടത്തിയ ചർച്ചകളെ തുടർന്ന് പ്രതിസന്ധിക്ക് അയവു വന്നു. തുടർന്ന് പന്തലിലെ അണച്ച ലൈറ്റുകൾ തെളിയിച്ചു. പാറമേക്കാവിന്റെ വെടിക്കെട്ട് 6.30 ന് ആരംഭിച്ച് 7.15 ന് അവസാനിച്ചു. പകൽ വെളിച്ചത്തിൽ വെടിക്കെട്ട് നടത്തിയതിനാൽ വെടിക്കെട്ടിന്റെ വർണശോഭ ആസ്വദിക്കാൻ പൂരപ്രേമികൾക്ക് സാധിച്ചില്ല. എങ്കിലും ആർപ്പുവിളികളോടെ ജനം വെടിക്കെട്ട് ആസ്വദിച്ചു. മാനത്ത് വർണ…
Read More » -
നെടുങ്കണ്ടത്ത് വീട് ജപ്തിക്കിടെ പെട്രോൾ ഒഴിച്ച് തീകൊളുത്തി: ഗൃഹനാഥയ്ക്ക് 80 ശതമാനം പൊള്ളൽ, എസ്ഐക്കും വനിതാ പൊലീസുകാരിക്കും പൊള്ളലേറ്റു
ഇടുക്കി: നെടുങ്കണ്ടത്ത് വീടും സ്ഥലവും ജപ്തി ചെയ്യാനുള്ള സ്വകാര്യ ബാങ്ക് നടപടിക്കിടെ ഗൃഹനാഥ ദേഹത്തു പെട്രോൾ ഒഴിച്ചു തീകൊളുത്തി. 80 ശതമാനത്തോളം പൊള്ളലേറ്റ നെടുങ്കണ്ടം ആശാരിക്കണ്ടം ആനിക്കുന്നേൽ ഷീബ ദിലീപിനെ (49) കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഷീബയെ രക്ഷിക്കാൻ ശ്രമിക്കുന്നതിനിടെ നെടുങ്കണ്ടം എസ്ഐ ബിനോയ് ഏബ്രഹാം (52), വനിതാ സിവിൽ പൊലീസ് ഓഫിസർ ടി.അമ്പിളി (35) എന്നിവർക്കു പൊള്ളലേറ്റു. 40 ശതമാനം പൊള്ളലേറ്റ അമ്പിളിയെ എറണാകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു. എസ്ഐ ബിനോയ് കട്ടപ്പനയിലെ സ്വകാര്യ ആശുപത്രിയിൽ ചികിത്സയിലാണ്. ഇന്നലെ ഉച്ചകഴിഞ്ഞു രണ്ടരയോടെയാണു സംഭവം. തൊടുപുഴ സിജെഎം കോടതിവിധിയെത്തുടർന്നാണു സ്വകാര്യ ബാങ്ക് ജീവനക്കാർ പൊലീസ് അകമ്പടിയോടെ ഷീബയുടെ വീടും സ്ഥലവും ജപ്തി ചെയ്യാനെത്തിയത്. വീട്ടിൽ കരുതിയിരുന്ന പെട്രോൾ ഒഴിച്ചാണു ഷീബ സ്വയം തീകൊളുത്തിയതെന്നു പൊലീസ് പറഞ്ഞു. ഷീബയും കുടുംബവും താമസിക്കുന്ന വീടും 13 സെന്റ് സ്ഥലവും പണയപ്പെടുത്തി മുൻ ഉടമ വായ്പയെടുത്തിരുന്നു. ഈ തുകയിൽ…
Read More » -
ജനം ആദ്യഘട്ടം 102 സീറ്റുകളിൽ വിധിയെഴുതി: 60.03 ശതമാനം പോളിങ്, ത്രിപുരയിൽ കൂടുതൽ, കുറവ് ബിഹാറിൽ; നാഗാലാന്ഡില് 6 ജില്ലകളില് പോളിങ് ശതമാനം പൂജ്യം
ന്യൂഡൽഹി: 18-ാം ലോക്സഭാ തിരഞ്ഞെടുപ്പിന്റെ ആദ്യഘട്ട വോട്ടെടുപ്പ് പൂർത്തിയായി. 21 സംസ്ഥാനങ്ങളിലെയും കേന്ദ്രഭരണ പ്രദേശങ്ങളിലെയും 102 സീറ്റുകളിൽ നടന്ന വോട്ടെടുപ്പിൽ 60.03 ശതമാനം പോളിങ് രേഖപ്പെടുത്തി. വൈകുന്നേരം 7 മണിവരെയുള്ള കണക്കാണിത്. അന്തിമ കണക്കിൽ മാറ്റം വന്നേക്കാം. ത്രിപുരയിലാണ് ഏറ്റവും കൂടിയ പോളിങ്. ഏഴു മണിവരെയുള്ള കണക്കുകൾ പ്രകാരം 79.90 ശതമാനം ആണ് അവിടുത്തെ പോളിങ്. ബിഹാറിലാണ് ഏറ്റവും കുറവ്, 47.49 ശതമാനം മാത്രം. ബംഗാളിൽ 77.57, അസമിൽ 70.77, മണിപ്പുരിൽ 68.62 ശതമാനവും പോളിങ് രേഖപ്പെടുത്തി. തമിഴ്നാട്ടിൽ 62.19 ശതമാനം വോട്ടു രേഖപ്പെടുത്തി. കിഴക്കന് നാഗാലാന്ഡില് ആറ് ജില്ലകളില് ജനങ്ങൾ വോട്ടെടുപ്പ് ബഹിഷ്കരിച്ചു. പൂജ്യം ശതമാനം പോളിങ്. മോദി സര്ക്കാര് നല്കിയ വാഗ്ദാനം പാലിക്കാത്തതില് പ്രതിഷേധിച്ചാണിത്. ഈസ്റ്റേണ് നാഗാലന്ഡ് പീപ്പിള് ഓര്ഗനൈസേഷനാണ് ബഹിഷ്കരണത്തിന് ആഹ്വാനം ചെയ്തത്. കിഴക്കന് മേഖലയിലെ ഏഴ് ഗോത്രവര്ഗ സംഘടനകളുടെ ഉന്നത ബോഡിയാണ് ഈസ്റ്റേണ് നാഗാലാന്ഡ് പീപ്പിള്സ് ഓര്ഗനൈസേഷന്. പ്രത്യക സംസ്ഥാനമെന്ന ആവശ്യമുന്നയിച്ചാണ് തെരഞ്ഞെടുപ്പ്…
Read More » -
യുപിയില് ബിജെപിയെ ത്രിശങ്കുവിലാക്കി ആയിരങ്ങളുടെ വോട്ട് ബഹിഷ്കരണം
ലക്നൗ:ലോക്സഭാ തെരഞ്ഞെടുപ്പില് ഉത്തര്പ്രദേശില് ബിജെപിക്ക് വോട്ട് ബഹിഷ്കരിച്ച് വോട്ടര്മാര്. കിഴക്കന് ഉത്തര്പ്രദേശിലെ രാജ്പുത്ര, ത്യാഗി, സൈനിസ് എന്നീ ജാതികളുള്പ്പെടുന്ന ആയിരക്കണക്കിന് വോട്ടര്മാരാണ് ബിജെപിയെ ബഹിഷ്കരിക്കുന്നത്. തങ്ങളുടെ സമുദായത്തിന് വേണ്ടത്ര പരിഗണന ലഭിക്കുന്നില്ലെന്ന് ചൂണ്ടിക്കാട്ടിയാണ് ഗ്രാമവാസികള് വോട്ട് ബഹിഷ്കരിക്കാന് തീരുമാനിച്ചത്.ഏപ്രില് 7ന് സഹാരന്പൂരില് വച്ച് രജപുത്ര സമുദായത്തില്പ്പെട്ടയാളുകള് മഹാപഞ്ചായത്ത് വിളിച്ചുചേര്ത്തിരുന്നു. പടിഞ്ഞാറന് ഉത്തര്പ്രദേശില് മാത്രം പത്ത് ശതമാനത്തോളം ജനസംഖ്യയുള്ള തങ്ങള്ക്ക് ലോക്സഭാ തെരഞ്ഞെടുപ്പില് പരിഗണന നല്കിയില്ല എന്നതാണ് പ്രധാന ആരോപണം. രജപുത്ര സമുദായത്തിന് പുറമേ ത്യാഗി, സൈനി സമുദായങ്ങളും ബിജെപിക്കെതിരെ വിവിധ സ്ഥലങ്ങളില് മഹാപഞ്ചായത്ത് വിളിച്ചുചേര്ത്തു. ഇവരുടെ വോട്ടുകള് ജാതി അടിസ്ഥാനത്തില് വിഭജിച്ചാല് മണ്ഡലാടിസ്ഥാനത്തിലുള്ള വോട്ട് വിഹിതം ബിജെപിക്ക് അനുകൂലമാകില്ല. പടിഞ്ഞാറന് ഉത്തര്പ്രദേശിലെ ജാതി സമവാക്യം ലോക്സഭാ തെരഞ്ഞെടുപ്പില് ബിജെപിക്ക് അനുകൂലമാകേണ്ടതാണെങ്കിലും വോട്ട് ബഹിഷ്കരണത്തിലൂടെ ഇത്തവണ അത് മാറിമറിയും. പരമ്ബരാഗതമായി ബിജെപിയുടെ വിശ്വസ്ത വോട്ടർമാരാണിവർ. നേരത്തെ പഞ്ചാബിലും വോട്ടർമാർ ബിജെപിയെ ബഹിഷ്കരിക്കാൻ തീരുമാനമെടുത്തിരുന്നു.വോട്ട് ചോദിക്കാൻ എത്തിയ ബിജെപി നേതാക്കളെപ്പോലും ഗ്രാമത്തിലേക്ക് കടക്കാൻ വിവിധ…
Read More » -
ഐഎസ്എലില് നിർണായക മൽസരത്തിനൊരുങ്ങി കേരള ബ്ലാസ്റ്റേഴ്സ്; മത്സരം വൈകിട്ട് 7:30ന്
ഭുവനേശ്വർ: ഐഎസ്എലില് ഇന്ന് കേരള ബ്ലാസ്റ്റേഴ്സിന് നിർണായക മത്സരം. ഒഡീഷ എഫ്സിക്കെതിരെ കലിംഗ സ്റ്റേഡിയത്തില് രാത്രി 7.30നാണ് മത്സരം. ഇന്നത്തെ മത്സരത്തില് വിജയിക്കുന്നവർ സെമിയില് മോഹൻ ബഗാനെ നേരിടും. പോയിൻ്റ് പട്ടികയില് ഒഡീഷ എഫ്സി നാലാമതും ബ്ലാസ്റ്റേഴ്സ് അഞ്ചാമതുമായാണ് ഫിനിഷ് ചെയ്തത്. ആദ്യ ഘട്ടത്തില് തകർപ്പൻ ഫോമിലായിരുന്ന ബ്ലാസ്റ്റേഴ്സ് രണ്ടാം ഘട്ടത്തില് അവിശ്വസനീയമാം വിധം തകർന്നിരുന്നു. ഐഎസ്എല് ഷീല്ഡ് നേടിയ മോഹൻ ബഗാനെയും രണ്ടാമത് ഫിനിഷ് ചെയ്ത മുംബൈ സിറ്റിയെയും ആദ്യ ഘട്ടത്തില് പരാജയപ്പെടുത്താൻ ബ്ലാസ്റ്റേഴ്സിനു കഴിഞ്ഞു. എന്നാല്, രണ്ടാം പാദത്തില് 10 മത്സരങ്ങള് കളിച്ച ബ്ലാസ്റ്റേഴ്സ് വെറും രണ്ട് മത്സരങ്ങളില് മാത്രമേ വിജയിച്ചുള്ളൂ. തുടരെ താരങ്ങള്ക്കേറ്റ പരുക്കും മോശം ഫോമും ബ്ലാസ്റ്റേഴ്സിൻ്റെ രണ്ടാം ഘട്ട പ്രകടനങ്ങളെ സാരമായി ബാധിച്ചിട്ടുണ്ട്. ബ്ലാസ്റ്റേഴ്സ് ആക്രമണങ്ങളുടെ ചുക്കാൻ പിടിക്കുന്ന ദിമിത്രിയോസ് ഡയമൻ്റക്കോസ് ഇന്ന് കളിക്കുമോ എന്നത് സംശയമാണ്. എന്നാല്, പരുക്കേറ്റ് പുറത്തായിരുന്ന സ്റ്റാർ പ്ലയർ അഡ്രിയാൻ ലൂണ ഇന്ന് കളിക്കാനിടയുണ്ട് എന്നത് ആരാധകർക്ക് ആവേശമാണ്.…
Read More »