സ്റ്റേറ്റ് ബാങ്ക് ഓഫ് ഇന്ത്യ ഓഫീസേഴ്സ് അസോസിയേഷൻ ഒക്ടോബർ 16 ന് തിരുവനന്തപുരത്ത് നടത്തുന്ന ത്രൈ വാർഷിക സംസ്ഥാന സമ്മേളനത്തിനു മുന്നോടിയായി ‘ഇന്ത്യൻ ബാങ്കിങ്ങ് ഓൺ ക്രോസ്സ് റോഡ്സ്’ എന്ന വിഷയത്തെ ആസ്പദമാക്കി സെമിനാർ സംഘടിപ്പിച്ചു. എസ്.ബി ഐ ഡെപ്യൂട്ടി ജനറൽ മാനേജർ & സർക്കിൾ ഡെവലപ്പ്മെന്റ് തിരുവനന്തപുരം സർക്കിൾ ഓഫീസർ അശുതോഷ് ശർമ്മ സെമിനാർ ഉത്ഘാടനം ചെയ്തു. സാമ്പത്തിക വിദഗ്ധനും മുൻ ഐബോക്ക് സംസ്ഥാന സെക്രട്ടറിയുമായ വി. കെ പ്രസാദ് വിഷയം അവതരിപ്പിച്ചു .
പ്രസിഡൻ്റ് ബിജു ടി അധ്യക്ഷത വഹിച്ച ചടങ്ങിൽ സംസ്ഥാന ജനറൽ സെക്രട്ടറി രാജേഷ്. എസ് സ്വാഗതവും ഡെപ്യൂട്ടി ജനറൽ സെക്രട്ടറി ഗണേഷ് .പി നന്ദിയും പറഞ്ഞു. ഐബോക് സംസ്ഥാന പ്രസിഡൻ്റ് വി. എസ് ഉണ്ണികൃഷ്ണൻ , എസ് ബി ഐ ഓ എ, കേരള സർക്കിൾ തിരുവനന്തപുരം ഡെപ്യൂട്ടി ജനറൽ സെക്രട്ടറി, ജഗന്നാഥൻ. വി സംസ്ഥാന നേതാക്കളായ രാജേഷ്. ആർ, മഹേഷ് വേണുഗോപാൽ, മഹേഷ് ജയൻ എന്നിവർ ചടങ്ങിൽ സന്നിഹിതരായിരുന്നു.