Cover StoryKeralaNews

ഉമ്മൻചാണ്ടിയെ കടന്നാക്രമിച്ചു വി എം സുധീരൻ, തന്നെ കെപിസിസി പ്രെസിഡന്റ് ആക്കിയത് ഇഷ്ടപ്പെട്ടില്ല

മുൻ മുഖ്യമന്ത്രിയും എ ഐ സി സി ജനറൽ സെക്രട്ടറിയുമായ ഉമ്മൻചാണ്ടിയെ കടന്നാക്രമിച്ചു വി എം സുധീരൻ. തന്നെ കെ പി സി സി പ്രെസിഡന്റ് ആയി നിയമിച്ചതിൽ ഉമ്മൻചാണ്ടിക്ക് എതിർപ്പുണ്ടായിരുന്നു. പലതവണ ഉമ്മൻചാണ്ടിയെ വിളിച്ചിട്ടും താല്പര്യം ഇല്ലാത്ത തരത്തിൽ ആയിരുന്നു പെരുമാറ്റം. വീട്ടിൽ പോയി കണ്ടപ്പോഴും മുഖഭാവം നീരസത്തിന്റേതായിരുന്നു. തന്നെ ആരും കെട്ടി ഇറക്കിയതല്ല. കോൺഗ്രസിൽ പ്രവർത്തിച്ചതിന്റെ അടിസ്ഥാനത്തിൽ ആണ് കെപിസിസി അധ്യക്ഷൻ ആയതെന്നും സുധീരൻ പറഞ്ഞു.

കെപിസിസി അധ്യക്ഷൻ ആയിരിക്കെ താൻ നടത്തിയ രണ്ട് ജാഥകളും പരാജയപ്പെടുത്താൻ ഉമ്മൻചാണ്ടി ശ്രമിച്ചിരുന്നു. ജാഥകൾ ഉത്ഘാടനം ചെയ്യാനെത്തിയപ്പോൾ തന്റെ പേര് പറയാൻ പോലും അദ്ദേഹത്തിന് മടിയായിരുന്നു. കോട്ടയത്ത്‌ വച്ച് ഉമ്മൻചാണ്ടിക്കെതിരെ ആഞ്ഞടിച്ചതിനു ശേഷമായിരുന്നു തന്റെ പേര് പോലും പറയാൻ അദ്ദേഹം തയ്യാറായത്.

തെരെഞ്ഞെടുപ്പ് തോൽവി ഗ്രൂപ്പ് മാനേജർമാരുടെ ഇടപെടൽ നിമിത്തമാണെന്നു സുധീരൻ കുറ്റപ്പെടുത്തി. താഴെത്തട്ടിലുള്ള നേതാക്കളുടെ വികാരങ്ങൾ തഴയപ്പെട്ടു. അവർ തന്ന പട്ടിക ഗ്രൂപ്പ് മാനേജർമാർ വെട്ടിനിരത്തി. പരസ്പരം കാലു വാരതെ നിന്നിരുന്നെങ്കിൽ നിയമസഭ തെരഞ്ഞെടുപ്പിൽ കോൺഗ്രസ്‌ ജയിച്ചേനെയെന്നും അദ്ദേഹം പറഞ്ഞു.

കേരള കോൺഗ്രസിനു രാജ്യസഭാ സീറ്റ്‌ നൽകിയത് ഹിമാലയൻ വങ്കത്തരമാണെന്നും സുധീരൻ പറഞ്ഞു. മാണി മൂന്ന് മുന്നണിയുമായും ചർച്ച നടത്തി. നാളെ മാണി ബിജെപിയുമായി സഖ്യമുണ്ടാക്കില്ലെന്നു എന്ത് ഉറപ്പാണ് ഉള്ളതെന്നും സുധീരൻ ചോദിച്ചു. ജോസ് കെ മാണി മത്സരിച്ചതിലൂടെ ലോക്സഭയിൽ യു പി എ ക്ക് ഒരു സീറ്റ്‌ നഷ്ടമായി. ഇത് ഗുണം ചെയ്തത് ബിജെപിക്ക് ആണെന്നും സുധീരൻ കൂട്ടിച്ചേർത്തു.

Tags
Show More

Related Articles

Leave a Reply

Your email address will not be published. Required fields are marked *

Close