Cover StoryFrom the EditorNationalNews

ആ ‘ആശ്ലേഷം’ വെറുതെയല്ല,വരുന്നു ബിഎസ്പി-കോൺഗ്രസ് സഖ്യം

കർണാടക മാതൃക മറ്റു സംസ്ഥാനങ്ങളിലും വ്യാപിപ്പിക്കാൻ കോൺഗ്രസ്.വരാനിരിക്കുന്ന മധ്യപ്രദേശ് നിയമസഭാ തെരഞ്ഞെടുപ്പിൽ ബിഎസ്പിയുമായി സഖ്യമുണ്ടാക്കാനാണ് കോൺഗ്രസിന്‍റെ നീക്കം.കർണാടകയിൽ എച്ച്ഡി കുമാരസ്വാമിയുടെ സത്യപ്രതിജ്ഞാ ചടങ്ങിനെത്തിയെ മായാവതിയും സോണിയ ഗാന്ധിയും സ്നേഹവായ്പോടെ ആലിംഗനം ചെയ്യുന്ന ചിത്രം വൈറലായിരുന്നു.

മധ്യപ്രദേശ് കോൺഗ്രസ് അധ്യക്ഷൻ കമൽനാഥ്,സംസ്ഥാനത്ത് തെരഞ്ഞെടുപ്പ് ക്യാംപയിൻ ചുമതലയിലുളള ജ്യോതിരാദിത്യ സിന്ധ്യ എന്നിവർ ബിഎസ്പി സഖ്യത്തിനുളള ശ്രമം ആരംഭിച്ചു ക‍ഴിഞ്ഞെന്നാണ് റിപ്പോർട്ട്.

2013ലെ നിയമസഭാ തെരഞ്ഞെടുപ്പിൽ ബിജെപിക്ക് 31% വോട്ട് മാത്രമാണ് ലഭിച്ചത്.69% പേർ എതിർത്തിട്ടും ബിജെപി അധികാരത്തിലെത്തി.ഇത്തവണ ബിജെപിവിരുദ്ധ വോട്ടുകൾ ഭിന്നിക്കാതെ ഒരു കുടക്കീ‍ഴിലാക്കാനാണ് കോൺഗ്രസ് ഉദ്ദേശിക്കുന്നത്.

230 അംഗ നിയമസഭയിൽ നിലവിൽ ബിജെപിക്ക് 165 എംഎൽഎമാരാണ് ഉളളത്.കോൺഗ്രസ് 58ഉം ബിഎസ്പി നാലും സ്വതന്ത്രർ മൂന്നും സീറ്റുമാണ് സ്വന്തമാക്കിയത്.ക‍ഴിഞ്ഞ ജനുവരി മുതൽ നടന്ന അഞ്ച് നിയമസഭാ ഉപതെരഞ്ഞെടുപ്പുകളിൽ നാലിലും കോൺഗ്രസിനായിരുന്നു ജയം.ഒരിടത്ത് ജയം ബിജെപിക്കും.

Tags
Show More

Related Articles

Leave a Reply

Your email address will not be published. Required fields are marked *

Close