Cover StoryNational

അ​ർ​ധ​രാ​ത്രി യു​ദ്ധ​ത്തി​ൽ തി​രി​ച്ച​ടി​യേ​റ്റു കോ​ണ്‍​ഗ്ര​സ്

ന്യൂ​ഡ​ൽ​ഹി: മൂ​ന്ന​ര​മ​ണി​ക്കൂ​ർ നീ​ണ്ട വാ​ദ​ങ്ങ​ൾ​ക്കും ത​ർ​ക്ക​ങ്ങ​ളും കേ​ന്ദ്രീ​ക​രി​ച്ച​ത് ഭൂ​രി​പ​ക്ഷ പി​ന്തു​ണ ഉ​ന്ന​യി​ച്ച് ബി​ജെ​പി നേ​തൃ​ത്വം ക​ർ​ണാ​ട​ക ഗ​വ​ർ​ണ​ർ വാ​ജു​ഭാ​യി വാ​ല​യ്ക്കു ന​ൽ​കി​യെ​ന്നു പ​റ​യ​പ്പെ​ടു​ന്ന ക​ത്തി​ലാ​യി​രു​ന്നു. ഈ ​ക​ത്തി​ലാ​ണ് നി​ർ​ണാ​യ​ക​മാ​യ വി​ധി​യു​ടെ ആ​ദ്യ​ഘ​ട്ടം കോ​ട​തി അ​വ​സാ​നി​പ്പി​ച്ച​തും.

രാ​ത്രി 2.08-ന് ​വാ​ദ​ങ്ങ​ൾ ആ​രം​ഭി​ച്ച​പ്പോ​ൾ​ത​ന്നെ യെ​ദി​യൂ​ര​പ്പ ഗ​വ​ർ​ണ​ർ​ക്കു ന​ൽ​കി​യ ക​ത്ത് എ​വി​ടെ​യെ​ന്ന് കോ​ട​തി കോ​ണ്‍​ഗ്ര​സ്-​ജെ​ഡി​എ​സ് അ​ഭി​ഭാ​ഷ​ക​ൻ അ​ഭി​ഷേ​ക് മ​നു സിം​ഗ്വി​യോ​ടു ചോ​ദി​ച്ച​പ്പോ​ൾ അ​ത് ഹാ​ജ​രാ​ക്കാ​ൻ അ​ദ്ദേ​ഹ​ത്തി​നു ക​ഴി​ഞ്ഞി​ല്ല. പ്ര​ധാ​ന​പ്പെ​ട്ട തെ​ളി​വ് ഇ​ല്ലാ​തെ കോ​ട​തി എ​ങ്ങ​നെ തീ​രു​മാ​ന​മെ​ടു​ക്കു​മെ​ന്ന് ഈ ​അ​വ​സ​ര​ത്തി​ൽ ഹ​ർ​ജി​ക്കാ​രോ​ടു കോ​ട​തി ചോ​ദി​ച്ചു. അ​തേ​സ​മ​യം, കേ​ന്ദ്ര​സ​ർ​ക്കാ​രി​ന്‍റെ പ​ക്ക​ലും ഇ​ങ്ങ​നൊ​രു ക​ത്ത് ല​ഭി​ച്ചി​ട്ടി​ല്ലെ​ന്നാ​യി​രു​ന്നു അ​റ്റോ​ർ​ണി ജ​ന​റ​ൽ കെ.​കെ.​വേ​ണു​ഗോ​പാ​ലി​ന്‍റെ മ​റു​പ​ടി. ഇ​തോ​ടെ കോ​ട​തി​യു​ടെ ശ്ര​ദ്ധ പൂ​ർ​ണ​മാ​യി ക​ത്തി​ലേ​ക്കു കേ​ന്ദ്രീ​ക​രി​ച്ചു. ഭൂ​രി​പ​ക്ഷം തെ​ളി​യി​ക്കാ​ന്‍ യെ​ദി​യൂ​ര​പ്പ സ​ര്‍​ക്കാ​രി​നു 15 ദി​വ​സം ന​ല്‍​കി​യ ഗ​വ​ര്‍​ണ​റു​ടെ ന​ട​പ​ടി​യെ​യും കോ​ട​തി ചോ​ദ്യം ചെ​യ്തു.

ഈ ​സ​മ​യ​ങ്ങ​ളി​ലെ​ല്ലാം സിം​ഗ്വി യെ​ദി​യൂ​ര​പ്പ​യെ സ​ത്യ​പ്ര​തി​ജ്ഞ ചെ​യ്യാ​ൻ അ​നു​വ​ദി​ക്ക​രു​തെ​ന്ന ആ​വ​ശ്യ​ത്തി​ൽ ഉ​റ​ച്ചു​നി​ന്നു. ര​ണ്ടു ബി​ജെ​പി എം​എ​ൽ​എ​മാ​ർ​ക്കു വേ​ണ്ടി ഹാ​ജ​രാ​കു​ന്നു​വെ​ന്നു കോ​ട​തി​യി​ൽ പ​റ​ഞ്ഞ, മു​തി​ർ​ന്ന അ​ഭി​ഭാ​ഷ​ക​ൻ മു​കു​ൾ റോ​ത്ത​ഗി​യും കെ.​കെ.​വേ​ണു​ഗോ​പാ​ലും ഈ ​ആ​വ​ശ്യ​ത്തെ നി​ശി​ത​മാ​യി എ​തി​ർ​ത്തു. ഭ​ര​ണ​ഘ​ട​നാ സ്ഥാ​പ​ന​മാ​യ ഗ​വ​ർ​ണ​റു​ടെ വി​വേ​ച​നാ​ധി​കാ​ര​ത്തെ കോ​ട​തി​ക്കു ചോ​ദ്യം ചെ​യ്യാ​ൻ ക​ഴി​യി​ല്ലെ​ന്നാ​യി​രു​ന്നു ഇ​വ​രു​ടെ വാ​ദം.

ഇ​ത് പ​രി​ഗ​ണി​ച്ച കോ​ട​തി, സ​ത്യ​പ്ര​തി​ജ്ഞ സ്റ്റേ ​ചെ​യ്യി​ല്ലെ​ന്നു വാ​ക്കാ​ൽ നി​രീ​ക്ഷി​ച്ചു. ഇ​തോ​ടെ കോ​ണ്‍​ഗ്ര​സി​നു വ​ൻ തി​രി​ച്ച​ടി​യെ​ന്ന ത​ര​ത്തി​ൽ വാ​ർ​ത്ത​ക​ൾ പ​ര​ന്നു. കോ​ട​തി​യു​ടെ ഈ ​നി​ല​പാ​ടി​ൽ അ​തൃ​പ്തി രേ​ഖ​പ്പെ​ടു​ത്തി​യ സിം​ഗ്വി, സ​ത്യ​പ്ര​തി​ജ്ഞ നീ​ട്ടി​വ​യ്ക്ക​ണ​മെ​ന്ന വാ​ദ​മു​ന്ന​യി​ച്ചു. ഇ​തും കോ​ട​തി ത​ള്ളി. എ​ന്നി​രു​ന്നാ​ലും മു​ഖ്യ​മ​ന്ത്രി​യാ​യി സ്ഥാ​ന​മേ​റ്റെ​ടു​ത്താ​ൽ, ഇ​തി​ൽ ഇ​ട​പെ​ടാ​ൻ കോ​ട​തി​ക്കു ക​ഴി​യു​മെ​ന്ന് ബെ​ഞ്ച് വ്യ​ക്ത​മാ​ക്കി. ഇ​ത് വി​ധി​യി​ൽ രേ​ഖ​പ്പെ​ടു​ത്ത​ണ​മെ​ന്ന് സിം​ഗ്വി ആ​വ​ശ്യ​പ്പെ​ടു​ക​യും കോ​ട​തി ഈ ​ആ​വ​ശ്യം സ്വീ​ക​രി​ക്കു​ക​യും ചെ​യ്തു.

ഇ​തി​നു​ശേ​ഷ​മാ​ണ് നി​ർ​ണാ​യ​ക​മാ​യ ക​ത്തി​ൽ കോ​ട​തി വി​ധി പു​റ​പ്പെ​ടു​വി​ക്കു​ന്ന​ത്. ഭൂ​രി​പ​ക്ഷം അ​വ​കാ​ശ​പ്പെ​ട്ട് യെ​ദി​യൂ​ര​പ്പ ഗ​വ​ർ​ണ​ർ​ക്കു ന​ൽ​കി​യ ക​ത്ത് വെ​ള്ളി​യാ​ഴ്ച പ​ത്ത​ര​യ്ക്കു മു​ന്പ് ഹാ​ജ​രാ​ക്കാ​നാ​ണു കോ​ട​തി നി​ർ​ദേ​ശി​ച്ചി​ട്ടു​ള്ള​ത്. ഈ ​ക​ത്ത് ഹാ​ജ​രാ​ക്കാ​ൻ ക​ഴി​യാ​തി​രി​ക്കു​ക​യോ, ഭൂ​രി​പ​ക്ഷം തെ​ളി​യി​ക്കാ​ൻ ക​ഴി​യാ​തി​രി​ക്കു​ക​യോ ചെ​യ്താ​ൽ ക​ടു​ത്ത ന​ട​പ​ടി​ക​ളി​ലേ​ക്കു ക​ട​ക്കു​മെ​ന്നു​ത​ന്നെ​യാ​ണ് കോ​ട​തി വ്യ​ക്ത​മാ​ക്കു​ന്ന​ത്. എ​ന്നി​രു​ന്നാ​ലും ഇ​ന്ത്യ​ൻ നീ​തി​ന്യാ​യ​വ്യ​വ​സ്ഥ​യു​ടെ ച​രി​ത്ര​ത്തി​ൽ നി​ർ​ണാ​യ​ക​മാ​കു​ന്ന ഒ​രു നീ​ക്ക​ത്തി​നാ​ണ് ബു​ധ​നാ​ഴ്ച രാ​ത്രി മു​ത​ലു​ള്ള മ​ണി​ക്കൂ​റു​ക​ൾ സാ​ക്ഷ്യം വ​ഹി​ച്ച​ത്.

Tags
Show More

Related Articles

Leave a Reply

Your email address will not be published. Required fields are marked *

Close