LifeSpecial

ഞാറ്റുവേല പകുതി വരെ ഇടവപ്പാതിയെന്ന പതിവ് ഇത്തവണയുണ്ടാകില്ല; മഴയ്ക്ക് ശമനമെന്ന് സൂചന

പാലക്കാട് : കേരളത്തില്‍ മഴ കുറയുമെന്ന് സൂചന. അന്തരീക്ഷത്തില്‍ ജലാംശം കുറഞ്ഞതായും കാലാവസ്ഥ വിദഗ്ദ്ധര്‍ പറയുന്നു. കാറ്റിന്റെ ഗതിമാറ്റമാണ് മഴക്കുറവിനു പ്രധാന കാരണം.സംസ്ഥാനത്ത് ഇടവപ്പാതി മുതല്‍ (ജൂണ്‍ ഒന്ന്) പുണര്‍തം ഞാറ്റുവേല പകുതിവരെയെങ്കിലും (ജൂലൈ പകുതി) കനത്ത മഴ ലഭിക്കുന്നതായിരുന്നു രീതി. ഇതില്‍ ഇത്തവണ കുറവു വരും.മുംബൈ തീരത്തുണ്ടായ ന്യൂനമര്‍ദ്ദത്തെ തുടര്‍ന്നാണു കഴിഞ്ഞദിവസങ്ങളില്‍ കനത്ത മഴ ലഭിച്ചത്. ഇത്തവണ സാധാരണ പോലെ മഴ ലഭിക്കുമെന്നാണു കാലാവസ്ഥ വകുപ്പിന്റെ പ്രവചനമെങ്കിലും മഴ കുറഞ്ഞേക്കുമെന്നു വിരമിച്ച കാലാവസ്ഥ ശാസ്ത്രജ്ഞരുടെ കൂട്ടായ്മയായ സ്കൈമറ്റ് നിരീക്ഷിക്കുന്നു.

 

കഴിഞ്ഞമാസം ആദ്യം ബംഗാള്‍ ഉള്‍ക്കടലിലെ ന്യൂനമര്‍ദ്ദത്തെ തുടര്‍ന്നു മഴമേഘങ്ങള്‍ സജീവമായെങ്കിലും പെട്ടെന്നുണ്ടായ ശക്തമായ മര്‍ദ്ദത്തെതുടര്‍ന്നു മേഘങ്ങള്‍ ചിതറി, കാറ്റു ദിശതെറ്റി.
പിന്നീട് ഒഡീഷയിലുണ്ടായ ന്യൂനമര്‍ദ്ദത്തെ തുടര്‍ന്നു കാറ്റു വഴിമാറി രാജസ്ഥാന്‍ ഉള്‍പ്പെടെയുള്ള ഉത്തരേന്ത്യന്‍ സംസ്ഥാനങ്ങളില്‍ തുടര്‍ച്ചയായി കനത്തമഴ ലഭിച്ചു. സാധാരണ ജൂലൈ അവസാനമാണ് ഇവിടങ്ങളില്‍ മഴ പെയ്യാറുള്ളത്.

 

സംസ്ഥാനത്ത് തെക്കന്‍ ജില്ലകളിലാണ് ഇതുവരെ കൂടുതല്‍ മഴ ലഭിച്ചത്.പ്രാദേശികമഴയാണു കൂടുതല്‍. വയനാട്ടിലും പാലക്കാട്ടുമാണു മഴയുടെ അളവ് തീരെ കുറവ്.മേഘം തണുത്തുറഞ്ഞു മഴ പെയ്യാനുള്ള സാഹചര്യം നിലവിലില്ല. ഗുജറാത്ത് തീരത്തും ബംഗാള്‍ ഉള്‍ക്കടലിലും ന്യൂനമര്‍ദ്ദം രൂപംകൊണ്ടു താമസിയാതെ നല്ലമഴ ലഭിക്കുമെന്നാണു പ്രതീക്ഷയെന്ന് കൊച്ചി സര്‍വകലാശാല റഡാര്‍ ഗവേഷണവിഭാഗം ശാസ്ത്രജ്ഞന്‍ ഡോ. എം.ജി. മനോജ് പറഞ്ഞു.

Tags
Show More

Related Articles

Leave a Reply

Your email address will not be published. Required fields are marked *

Close