Special

വാട്‌സാപ്പ് ചര്‍ച്ച പെര്‍ളയില്‍ കൂട്ടത്തല്ലായി

ബദിയഡുക്ക: വാട്‌സാപ്പിലെ ചര്‍ച്ച അവസാനം ഗ്രൂപ്പംഗങ്ങളുടെ കൂട്ടത്തല്ലില്‍ കലാശിച്ചു. പെര്‍ള ടൗണില്‍ ഞായറാഴ്ച രാത്രിയോടെയാണ് യുവാക്കള്‍ രണ്ട് സംഘങ്ങളായി പോരടിച്ചത്. പരിക്കേറ്റ ഏഴുപേരെ കുമ്പള, കാസര്‍കോട് എന്നിവിടങ്ങളിലെ ആസ്​പത്രികളില്‍ പ്രവേശിപ്പിച്ചു.

 

രണ്ടാഴ്ച മുമ്പാണ് കലഹത്തിനിടയാക്കിയ ചര്‍ച്ച തുടങ്ങിയത്. വിഷയത്തെ അനുകൂലിക്കുകയും എതിര്‍ക്കുകയും ചെയ്യുന്നവര്‍ അഭിപ്രായങ്ങള്‍ പോസ്റ്റ് ചെയ്യാന്‍ തുടങ്ങി. അഭിപ്രായം പറഞ്ഞവരുടെ രാഷ്ട്രീയം നോക്കി ഗ്രൂപ്പ് അംഗങ്ങള്‍ വ്യത്യസ്ത ചേരിയിലായി.

 

ഞായറാഴ്ച വൈകുന്നേരം പെര്‍ള ടൗണില്‍ ഒരു സംഘടനയുടെ യോഗത്തില്‍ രണ്ടുകൂട്ടരും എത്തിയതോടെ തര്‍ക്കം തുടങ്ങി. യോഗം കഴിഞ്ഞ് പുറത്തിറങ്ങിയപ്പോള്‍ ഇത് സംഘട്ടനത്തില്‍ കലാശിച്ചു.

 

ജയന്തകുമാര്‍, വാമന, പവന്‍ കുമാര്‍, ലോകേഷ്, ഗണേശ്, പ്രകാശ്, സച്ചിന്‍ തുടങ്ങിയവര്‍ക്കാണ് പരിക്കേറ്റത്. കണ്ടാല്‍ അറിയാവുന്ന 25 പേര്‍ക്കെതിരെ ബദിയഡുക്ക പോലീസ് കേസെടുത്തു. പെര്‍ള ഉക്കിനടുക്കയില്‍ പരിക്കേറ്റവരെയുംകൊണ്ട് പോയ വാഹനവും തകര്‍ത്തു.

Tags
Show More

Related Articles

Leave a Reply

Your email address will not be published. Required fields are marked *

Close